اس سے قبل ایک بلاگ میں ہم نے آپ کو نئی یاماہا YBR125G کے متعلق تفصیل سے بتایا گیا کہ کمپنی نے نئی بائک میں صرف ڈیزائن اور گرافکس کی تبدیلی کی گئی ہے۔ YBR125G کا نیا ڈیزائن پاکستان کے قومی جانور ‘مارخور’ سے متاثر نظر آتا ہے۔
اگرچہ اس بائک کا یہ نیا ڈیزائن صارفین کو پسند آئے گا لیکن وہ لوگ جو ایک لمبے عرصے سے پاکستانی بائکس میں کسی بڑی مکینیکل تبدیلی کے خواہاں ہیں، ان کیلئے یہ نیا ڈیزائن کچھ اہمیت نہیں رکھتا۔
آئیے نئے ڈیزائن کیساتھ آںے والی بائک کی خصوصی تصاویر کا جائزہ لیں۔
خصوصی تصاویر
کمپنی کی جانب سے شئیر کی گئی سوشل میڈٰیا پوسٹ میں کہا گیا ہے کہ نئی یاماہا YBR125G کے نیا ڈیزائن اور دیگر گرافکس ہمارے قومی جانور مارخور سے متاثر ہیں۔ مارخور کی طرح یہ بائک بھی سخت اور دشوار گزار راستوں پر آسانی سے سفر کے قابل ہے۔
اس کے علاوہ رنگوں کی بات کریں تو آپ میٹ اور میٹالک رنگ کے کسی بھی ویرینٹ کا انتخاب کر سکتے ہیں۔
پرانا رجحان
حیران کن طور پر کمپنی کی طرف سے صرف ایک نیا ڈیزائن متعارف کروانا کوئی نئی کوشش نہیں ہے۔ اس سے قبل دسمبر 2023 میں بھی کمپنی نے اس ماڈل کو صرف چند معمولی تبدیلیوں کے ساتھ متعارف کرایا، جو بنیادی طور پر صرف پینٹ کے تازہ کوٹ تک محدود تھا۔ اسی طرح، نومبر 2023 میں بھی B125Z-DX میں بھی ایسی سطحی تبدیلیاں کی گئیں جو ڈیزائن اور گرافکس کی حد تک محدود تھیں۔
ایسا لگتا ہے کہ ملک میں موٹرسائیکل بنانے والے اعتدال پسندی کے چکر میں پھنسے ہوئے ہیں اور صارفین کی دلچسپی برقرار رکھنے کے لیے صرف سطحی تبدیلیوں پر انحصار کرتے ہیں۔
