پروٹون ساگا 2021، ایسی گاڑی جس کا لوکل آٹو مارکیٹ میں شدت سے انتظار کیا جا رہا ہے، پاکستان آ چکی ہے۔ چند میڈیا رپورٹس بتا رہی ہیں کہ یہ کچھ کمپلیٹلی بلٹ اپ (CBUs) یونٹس ہیں، جبکہ دیگر کمپلیٹلی ناکڈ-ڈاؤن (CKD) یونٹس کی حیثیت سے دیکھے گئے ہیں۔ فی الحال تو ان ساگا یونٹس کے بارے میں کچھ کنفرم نہیں ہے۔ لیکن یہ پاکستان آ چکے ہیں اور پاکستانی آٹو مارکیٹ میں جلد ہی آغاز کریں گے۔
پاکستان میں ساگا کی خصوصی تصویریں یہ رہیں:
پاکستان میں پروٹون ساگا
پروٹون الحاج آٹوموٹو کے ساتھ پارٹنرشپ میں ساگا سیڈان لا رہا ہے۔ کئی CBU یونٹس پاکستان میں آ رہے ہیں اور انہیں ڈیلرشپس پر دیکھا جا سکتا ہے۔ ایک مرتبہ 100 عدد CBU یونٹس آ جائیں تو الحاج آٹوموٹو پاکستانی مارکیٹ میں پہلا بیچ فروخت کرنا شروع کر دے گا۔ دوسری جانب پروٹون ساگا کی لوکل پروڈکشن 2021 کے وسط میں شروع ہوگی۔
پروٹون ساگا تین ویرینٹس میں لانچ کی جائے گی: اسٹینڈرڈ MT، اسٹینڈرڈ AT اور پریمیئم AT۔ یہ تمام ویرینٹس 1299cc کے انجن رکھتے ہیں جو کمپنی نے اصل سائز سے ڈاؤن سائز کیے ہیں، خاص طور پر پاکستانی مارکیٹ کے لیے۔ دوسرے فیچرز میں شامل ہیں:
- الائے رِمز
- سائیڈ مررز انٹیگریٹڈ ٹرن سگنلز کے ساتھ
- ریئر اسپوائلر
- فوگ لیمپس
- ڈوئل فرنٹ ایئر بیگز
- اینٹی لاک بریکنگ سسٹم (ABS)
- DRLs (پریمیئم AT)
- اسٹیبلٹی کنٹرول (پریمیئم AT)
- ٹریکشن کنٹرول (پریمیئم AT)
- فرنٹ پارکنگ سینسرز (پریمیئم AT)
- ریورس کیمرا (پریمیئم AT)
پروٹون ساگا کی حتمی قیمت ابھی تک سامنے نہیں لائی گئی۔ البتہ قریبی ترین اندازہ یہی ہے کہ یہ 20 سے 25 لاکھ روپے کے درمیان ہوگی۔
ہر کسی کو تجسس ہے کہ ساگا لوکل مارکیٹ میں فروخت کے لیے کب پیش ہوگی۔ بہرحال، ہمیں لانچ کی تاریخ کے بارے میں کچھ نہیں پتہ۔ لیکن لانچ جلد ہی ہوگی، جولائی 2021 سے پہلے پہلے۔ کیونکہ تب آٹوموٹو ڈیولپمنٹ پالیسی (2016-2021) ایکسپائر ہو جائے گی۔
پروٹون سیڈان اپنے روایتی ملائیشین ڈیزائن، طاقتور انجن اور پرکشش قیمت کی وجہ سے پرانے انداز کے لوگوں کو پسند آئے گی۔ لیکن کیا یہ ٹویوٹا یارس، ہونڈا سٹی اور چنگان ایلسون کو پچھاڑ سکے گی؟ ہمیں جلد ہی پتہ چل جائے گا۔
