بریکنگ: کِیا سٹونک کی قیمت کا اعلان کر دیا گیا

کِیا لکی موٹرز کی جانب سے نئی بی سیگمنٹ سب کومپیکٹ کراس اوور ایس یو وی کِیا سٹونک کی رونمائی کے موقع پر اس کی قیمت کا اعلان کیا گیا ہے۔

جیسا کہ ہم پہلے واضح کر چکے ہیں کہ کمپنی نے کار کے دو ویرینٹس یعنی EX اور EX+ لانچ کیے ہیں۔ دونوں گاڑیاں مقامی مارکیٹ میں 1400 سی یس انجن کے ساتھ لانچ کی گئی ہیں۔

کِیا سٹونک کی قیمت

کِیا سٹونک کے دونوں ویرینٹس کی قیمتیں ذیل میں درج ہیں۔

• کِیا سٹونک ایکس: 3660000 روپے
• کِیا سٹونک ایکس پلس: 3880000 روپے

فیچرز و دیگر خصوصیات

گاڑی کے فیچرز اور دیگر خصوصیات ذیل میں تفصیل سے درج ہیں۔

انجن اور ٹرانسمشن

سٹونک ایکس میں بائی فنکشن پروجیکشن ہیلوجن ہیڈلائٹس دی گئی ہیں جبکہ سٹونک ایکس پلس میں ایل ای ڈی ہیڈلائٹس دی گئی ہیں۔  دونوں گاڑیوں میں ایل ای ڈی DRLs، بلب فوگ لیمپس اور پوزیشن لیمپس دئیے گئے ہیں۔ سٹونک ایکس پلس میں سن روف دیا گیا ہے جبکہ سٹونک ایکس میں یہ فیچر موجود نہیں ہے۔ اس کے علاوہ دونوں گاڑیوں میں الیکٹریکلی ایڈجسٹیبل + ریٹریکٹیبل + ہیٹڈ سائیڈ ویو مررز بھی دئیے گیے ہیں۔

سٹونک ایکس میں فرنٹ گرل میٹ بلیک جبکہ سٹونک ایکس پلس میں پیانو بلیک ہے۔ سٹونک ایکس میں 15 انچ کے الائے رِمز دئیے گئے ہیں جبکہ سٹونک ایکس پلس میں 16 انچ کے الائے رِمز نظر آئیں گے۔

انٹیرئیر

انٹیرئیر کی بات کی جائے تو دونوں گاڑی میں 8 انچ کی فلوٹنگ انفوٹینمنٹ ٹچ سکرین دی گئی ہے۔ اسی طرح سٹونک ایکس میں TFT کلسٹر کا سائز 3.5 انچ جبکہ سٹونک ایکس پلس میں 4.2 انچ ہے۔ دونوں گاڑیوں میں آٹومیٹک اے سی دیا گیا ہے۔ سٹونک ایکس میں فیبرک جبکہ سٹونک ایکس پلس لدر سیٹس دی گئی ہیں۔ دونوں گاڑیوں میں ہائیٹ ایڈجسٹر کا فیچر بھی نظر آئے گا۔

سیفٹی  

سیفٹی فیچرز کی بات کی جائے تو دونوں گاڑیوں میں 5 ائیر بیگز، اے بی ایس، وہیکل سٹیبلٹی مینیجمنٹ، ہِل سٹارٹ، ISO فکس چائلڈ اینکر اور 5 سیٹ بیلٹس جیسے سیفٹی فیچرز موجود ہیں۔