چنگان نے اوشان X7 کراس اوور کے 2 ویرینٹس لانچ کیے ہیں۔ جن میں اوشان X7 فیوچرسینس اور اوشان X7 کمفرٹ شامل ہیں۔ فیوچر سینس ویرینٹ کی قیمت 5950000 اور کمفرٹ ویریںٹ کی قیمت 5750000 روپے ہے۔
دونوں ویرینٹس دیکھنے میں بالکل ایک جیسے ہی نظر آتے ہیں۔ ان کے ایکسٹیرئیر میں کوئی فرق نہیں ہے۔ اسی طرح دونوں ویرینٹس میں ایک ہی طرح کا 1500 سی سی ٹربو انجن اور 7 اسپیڈ DCT گیئر باکس دیا گیا ہے۔ یعنی کہ دونوں ویرینٹس ایک جیسی طاقت اور فیول ایوریج فراہم کرتے ہیں۔ اس کے علاوہ فرق کی بات کی جائے تو اس کے انٹیرئیر میں فرق دیکھنے کو ملتا ہے۔
سیٹنگ سپیس
اوشان X7کے ویریںٹس کے درمیان پہلا اور اہم فرق سیٹنگ سپیس ہے۔ فیوچر سینس 5 سیٹر ہے اور کمفرٹ 7 سیٹر ہے۔
اسمارٹ ٹرنک اوپنر
اوشان X7 فیوچرسینس کے ریموٹ کی میں ایک سمارٹ ٹرنک اوپنر بٹن دیا گیا ہے۔ بٹن کو دبانے سے آپ ٹرنک کھول سکتے ہیں۔
پاورڈ ٹیل گیٹ
5 سیٹوں والے وشان X7 فیوچرسینس میں پاورڈ ٹیل گیٹ بھی ہے جو بوٹ لِڈ میں لگے بٹن کو دبانے پر خود بخود نیچے آجاتا ہے۔ 7 سیٹر کمفرٹ ویرینٹ میں ٹیل گیٹ کو مینوئل طور پر دبانا پڑتا ہے۔
گرم اور ہوادار نشستیں
اوشان X7 فیوچرسینس ویرینٹ میں اگلی قطار کی سیٹیں گرم اور ہوادار ہیں جو کار کے آرام میں اضافہ کرتی ہیں۔
ایڈاپٹیو کروز کنٹرول
5 سیٹوں والے اوشان X7 فیوچرسینس میں اڈاپٹیو کروز کنٹرول ہے جو آپ کی گاڑی کی رفتار کو خود بخود ایڈجسٹ کرتا ہے تاکہ آپ کی کار کی رفتار اور سامنے موجود کار کی رفتار میں مماثلت ہو سکے۔ اوشان X7 کمفرٹ میں کروز کنٹرول سسٹم سٹینڈرڈ ہے جو آپ کی سیٹ کردہ رفتار کو برقرار رکھتا ہے۔
360° کیمرہ
5 سیٹوں والا ویرینٹ آپ کی کار کے اردگرد کا رئیل ٹائم 360° ویو فراہم کرتا ہے جبکہ 7 سیٹوں والے ویرینٹ میں صرف رئیر کیمرہ دیا گیا ہے۔
فرنٹ پارکنگ سینسر
فیوچر سینس ویرینٹ میں فرںٹ اور رئیر پارکنگ سینسرز موجود ہیں جو آپ کو گاڑی آسانی سے پارک کرنے میں مدد فراہم کرتے ہیں۔ دوسری جانب کمفرٹ ویرینٹ میں صرف پیچھے والے پارکنگ سینسرز ہیں۔
ڈیجیٹل ویڈیو ریکارڈنگ (DVR)
فیوچر سینس ویرینٹ میں ایک ویڈیو ریکارڈنگ کیمرہ عرف ڈیش کیم بھی ہے جو تصادم کی صورت میں آس پاس کی کاروں کے 30 سیکنڈ کے متعدد شاٹس کو ریکارڈ کرتا ہے۔ ریکارڈنگز حادثے کی تحقیقات میں مددگار ہیں۔
فارورڈ کولیژن وارننگ
فیوچر سینس ویریئنٹ میں فارورڈ کولیژن وارننگ سسٹم دیا گیا ہے جو ممکنہ حادثے کو محسوس کرتے ہوئے ہے ڈرائیور کو آڈیو الرٹ دیتا ہے۔
آٹو ایمرجنسی بریکنگ
آٹو ایمرجنسی بریک فیچر کولیژن وارننگ سسٹم کی ہی توسیع ہے۔ کسی بھی ناگزیر تصادم کی صورت میں یہ خود کار طریقے ایکٹیو ہو جاتا ہے۔ یہ سیفٹی فیوچر سینس ویرینٹ کے فرنٹ گرل میں نصب فرنٹ ریڈار کی وجہ سے کام کرتا ہے جبکہ کمفرٹ ویرینٹ میں یہ ریڈار نہیں ہے۔
