ٹویوٹا پاکستان کی اسمبلی لائن پر پہلی یارِس تیار ہوگئی

لکھاری Asad Zahid آخری اپڈیٹ Mar 13, 2020

نئی ٹویوٹا یارِس کی پیداوار کا آغاز ہو گیا ہے اور گزشتہ روز ٹویوٹا انڈس موٹر کمپنی نے فروخت کے لیے پہلی یارِس تیار کر دی ہے۔ اس کا مطلب ہےکہ ٹویوٹا یارِس جلد ہی پاکستان بھر کی ٹویوٹا ڈیلرشپس پر دستیاب ہوگی۔

ممکنہ صارفین کو ڈیلرشپس پر ٹیسٹ ڈرائیو کرکے اس نئی کومپیکٹ سیڈان کا تجربہ اٹھانے کا موقع ملے گا۔ اس سیڈان کی باضابطہ لانچ 27 مارچ کو متوقع ہے۔ جس کے بعد یارِس کی بکنگ شروع ہو جائے گی۔

ممکنہ خصوصیات اور تفصیلات

ٹویوٹا پاکستان نے اب تک نئی یارِس کی خصوصیات اور تفصیلات کا باضابطہ اعلان نہیں کیا۔ ہمیں امید ہے کہ ٹویوٹا کی نئی سیڈان میں مندرجہ ذیل اہم خصوصیات اور تفصیلات کا شامل ہوں گی۔

کُل چھ ویرینٹس میں ATIV ٹاپ ویرینٹ ہوگا
چار 1.3L اور دو 1.5L ویرینٹس
1300cc اور 1500cc انجن آپشن بالکل ہونڈا سِٹی کی طرح
CVT اور مینوئل دونوں ٹرانسمیشنز دستیاب ہوں گی
مینوئل اور آٹومیٹک کلائمٹ کنٹرول آپ کے خریدے گئے ویرینٹ پر منحصر
15-انچ الائے ویلز یا 14 انچ اسٹیل ویلز
پیچھے ڈرم بریکس اور آگے ڈسک بریکس
اگلے حصے میں میک فرسن اسٹرٹ سسپنشن اور پیچھے ٹورشن بیم
فرنٹ SRS (Supplementary Restraint System) ایئر بیگز
ہائی-اینڈ ماڈل میں وہیکل اسٹیبلٹی کنٹرول (VSC) ہو سکتی ہے
ATIV ماڈلز میں آڈیو وغیرہ کے لیے اسٹیئرنگ ویل کنٹرول متوقع ہیں
ATIV ماڈل میں پُش اسٹارٹ بٹن اور کروز کنٹرول ہو سکتا ہے
دو اقسام کے انفوٹینمنٹ سسٹمز: ایک چھوٹا بلوٹوتھ کنیکٹیوٹی کے ساتھ اور ایک بڑا ATIV ماڈلز میں
ایک پریمیم اور عمدہ احساس کے لیے ATIV ماڈلز کروم ڈور ہینڈلز کے ساتھ آ سکتے ہیں
تمام یارِس ماڈلز میں ہیلوجن ہیڈ لیمپس ہوں گے
پروجیکٹر ہیڈ لیمپس کا بہت کم امکان ہے حتیٰ کہ ATIV ماڈلز میں بھی