ہنڈا سوِک 2022 پچھلے کئی دنوں سے صارفین کے درمیان جوش و خروش پیدا کیے ہوئے ہے۔ اس سے قبل سوِک 2022 کا ٹیسٹ یونٹ پاکستان کی مقامی سڑکوں پر دیکھا گیا تھا جس کے بعد گاڑی کی قیمت بھی سامنے آئی تھی اور اب گاڑیوں سے متعلق ایک اور خبر گردش کر رہی ہے۔
اطلاعات کے مطابق ہنڈا اٹلس نے پاکستان میں گاڑی کی بکنگ شروع کر دی گئی ہے۔ ذرائع نے دعویٰ کیا کہ گاڑی کی بکنگ کی رقم 12 لاکھ روپے ہے۔ جبکہ نئی گاڑی اپریل/مئی 2022 میں فراہم کی جائے گی کیونکہ اس وقت تک یہ پاکستان میں لانچ ہو جائے گی۔
ذرائع کے مطابق کسٹمر ڈیلیوری کے وقت نئی سوک پر قیمت کے فرق کو ادا کرے گا اوریہ صارفین کیلئے بڑی خوشخبری ہے کیوں کہ ہنڈا سوِک پاکستان میں سب سے زیادہ انتظار کی جانے والی کاروں میں سے ایک ہے۔
ہنڈا اٹلس کا موقف
ان افواہوں اور ذرائع ہونے والی رپورٹس کو ذہن میں رکھتے ہوئے ہم نے ہنڈا اٹلس سے براہ راست پوچھنے کا فیصلہ کیا اور ان کے مطابق یہ خبر جھوٹی ہے۔ انھوں نے صرف اتنا بتایا کہ یہ خبر سچ نہیں ہے لیکن مایوس ہونے کی ضرورت نہیں کیونکہ غالباً 2022 کے وسط تک ہمیں ہنڈا سِوک مل جائے گی۔ فی الحال کمپنی نے بکنگ شروع نہیں کی۔ لہذا، اس بارے آپ سب کو ہوشیار رہنے کی ضرورت ہے کہ کسی بھی ڈیلر کو بکنگ کی رقم ادا نہ کریں۔ ہنڈا اٹلس کے سرکاری اعلان کا انتظار کریں اور پھر اپنی کار بک کروائیں۔
خیال رہے کہ نئی سِوک کو بین الاقوامی مارکیٹ میں اپریل 2021 میں لانچ کیا گیا تھا اور ایسا لگتا ہے کہ پاکستان میں لانچ کیلئے ہمیں تقریباً ایک سال تک اس کا انتظار کرنا پڑے گا۔
کیا آپ نئے Honda Civic 2022 کا انتظار کر رہے ہیں؟ کیا آپ اسے لانچ کے بعد خریدیں گے؟ تبصرے کے سیکشن میں ہمارے ساتھ اشتراک کریں۔
