جیسا کہ آپ سب جانتے ہیں کہ ہنڈا سوِک 2022 لانچ کر دی گئی ہے۔ کمپنی نے آج لانچ کے موقع پرایک ڈیجیٹل لانچ ایونٹ منعقد کیا۔ ہمیں کار تک خصوصی رسائی حاصل ہے۔ لہذا، نئی سوِک کی خصوصی تصاویر یہ ہیں۔
ویرینٹس
نئی سوِک کے پاکستان میں تین ویرینٹس لانچ کیے جائیں گے۔
- 1500 سی سی ہنڈا سوِک ٹربو M-CVT
- 1500 سی سی ہنڈا سوِک اوریل ٹربو M-CVT
- 1500 سی سی ہنڈا سوِک RS ٹربو LL-CVT
جیسا کہ آپ دیکھ سکتے ہیں، سوک میں مزید 1.8 لیٹر یا مینوئل ٹرانسمشن کے آپشنز نہیں دئیے گئے ہیں۔ ہنڈا سوِک کے تینوں ویرینٹس میں 1.5 لیٹر ٹربو چارجڈ انجن دئیے گئے ہیں لیکن M-CVT اور LL-CVT سے کیا مراد ہے۔
دو CVT ویرینٹس میں قدرے مختلف گیئرنگ ریشوز ہیں اور انجنز کے سائز بھی مختلف ہیں۔ ہنڈا امریکی مارکیٹ میں M-CVT کے ساتھ 2.0 والا لوئر ویرینٹ اور LL-CVT کے ساتھ 1.5 لیٹر والا ٹاپ ویرینٹ پیش کر رہا ہے۔
قیمتیں
قیمتوں کی بات کی جائے تو سوِک کے تینوں ویرینٹس کی قیمتیں 50 لاکھ سے زیادہ ہیں۔
- 1500 سی سی ہنڈا سوِک ٹربو M-CVT کی قیمت – 5099000 روپے
- 1500 سی سی ہنڈا سوِک اوریل ٹربو M-CVT کی قیمت – 5399000 روپے
- 1500 سی سی ہنڈا سوِک RS ٹربو LL-CVT کی قیمت – 6149000 روپے
ہنڈا کا کہنا ہے کہ یہ قیمتیں عارضی ہیں۔ جس کا مطلب ہے کہ کمپنی اب بھی قیمتوں میں ردوبدل کر سکتی ہے۔
ہنڈا سوِک 2022 کی بکنگ کی قیمت
اس سے قبل ہنڈا نے اعلان کیا تھا کہ ہنڈاسوِک کے تمام ویریںٹس کی بکنگ پرائس 1200000 روپے ہے۔ تاہم، کمپنی نے بکنگ کی قیمت پر نظر ثانی کی اور پہلے دو ویرینٹس کی بکنگ پرائس 1100000 روپے جبکہ ٹاپ آف دی لائن ویرینٹ کیلئے 1200000 روپے مختص کی۔ ۔ کمپنی کے مطابق اِن قیمتوں پر نظرثانی کی گئی تھی تاکہ زیادہ سے زیادہ لوگ نئی سوِک کو بک کریں۔
ہنڈا نے صارفین سے کہا کہ “براہ کرم ادائیگی (PO/DD) صرف ہنڈا اٹلس کارز (پاکستان) لیمیٹڈ کسٹمر کے نام کے اکاؤنٹ میں کریں اور بکنگ کی مزید تفصیلات کے لیے قریبی ہںڈا 3S ڈیلرشپ پر جائیں۔
