ہنڈا اٹلس نے اپنی کاروں پر ایک اور آفر لگا دی

پاکستان میں نگران وزیراعظم وزارت عظمی کا قلمدان سنبھال چکے ہیں، حکومت بدل چکی ہے لیکن پاکستانی معیشت کی بہتری کے آثار دور دور تک نظر نہیں آ رہے۔ رپورٹس کے مطابق گاڑیوں کی پروڈکشن اور سیلز میں دن بدن کمی آ رہی ہے جس کے باعث انڈسٹری شدید بدحالی کا شکار ہے۔

دریں اثنا، دیگر کمپنیز کی طرح پاکستان کی آٹو انڈسٹری بھی کسی اچھے حالات کا انتظار کر رہی ہے۔ اس دوران کار ساز کمپنیاں اپنی پوری کوشش کر رہی ہیں کہ معاشی حالات کے بہتر ہونے تک اپنی سیلز کو کسی حد تک بہتر رکھا جائے۔

ہنڈا اٹلس کارز لمیٹڈ (HACL) نے دیگر کار کمپنیز کی طرح صارفین کو اپنی طرف متوجہ کرنے کیلئے حال ہی میں اپنی مشہور کراس اوور ایس یو وی ایچ آر وی کے لیے ایک پرکشش پیشکش متعارف کروائی ہے جو کہ محدود مدت کیلئے ہے۔

پیشکش

کمپنی کی حالیہ سوشل میڈیا پوسٹ کے مطابق ہنڈا کمپنی نے ایک خاص محدود مدت کی پیشکش متعارف کرائی ہے۔ اس پیشکش میں ‘گاڑی کی مفت رجسٹریشن’ اور ‘چار سال کی توسیعی وارنٹی’ جیسی آفرز شامل ہیں۔

یہاں وہ ڈیلرشپ ہیں جہاں صارفین اس پیشکش سے فائدہ اٹھا سکتے ہیں:

کاروں کی فروخت میں 16 فیصد کمی

ایک چونکا دینے والے انکشاف میں، پاکستان آٹو موٹیو مینوفیکچررز ایسوسی ایشن (PAMA) کی رپورٹ میں بتایا گیا ہے کہ کاروں کی فروخت میں ماہانہ 16 فیصد کی حیران کن کمی واقع ہوئی ہے۔ رپورٹ کے مطابق، کار ساز اداروں نے گزشتہ ماہ 5092 گاڑیاں فروخت کیں، جو جون 23 میں 6034 تھیں۔

اسی طرح کاروں کی فروخت میں سال بہ سال 57 فیصد کمی ریکارڈ کی، جولائی 22 میں اس سال کی اسی مدت میں 5092 گاڑیوں کے مقابلے میں 11925 یونٹس فروخت ہوئے۔

پاما کی رپورٹ کے مطابق ہنڈا پاکستان کی فروخت میں 61 فیصد کا اضافہ ہوا ہے، جو کہ جون 23 میں 307 یونٹس کے مقابلے میں گزشتہ ماہ 494 یونٹس فروخت ہوئے تھے۔ کمپنی نے سٹی اور سوک کے 208 یونٹ اور BR-V اور HR-V کے 286 یونٹ فروخت کیے ہیں۔

کیا آپ اس پیشکش سے فائدہ اٹھانے جا رہے ہیں؟ کمنٹس سیکشن میں اپنے خیالات کا اظہار کریں۔