ہنڈا اٹلس کے بڑے منافعے نے سب کو حیران کر دیا

ہںڈا اٹلس پاکستانی آٹو انڈسٹری کا اہم ترین جُز ہے۔ پاکستان کے تین بڑے آٹو میکرز میں شمار ہونے والی اس کمپنی کی سیل کم ہی رہتی ہے لیکن رواں سال ہنڈا اس دوڑ میں کافی مضبوط کمپنی کے طور پر دیکھی گئی ہے۔ ٹاپ لائن سیکیورٹیز کی جانب سے جاری کی جانے والی ایک حالیہ رپورٹ کے مطابق ماڈل سال 2022 کی پہلی سہ ماہی میں ہنڈا کی نیٹ سیل 22 ارب روپے تک پہنچ گئی ہے جس سے کمپنی نے 16 بلین کا بہترین منافع کمایا ہے۔

کمپنی گزشتہ سال کی اسی مدت میں اپنی نیٹ سیل 6 ارب روپے سے بہتر بنانے میں کامیاب رہی اور اس دوران کمپنی کا مجموعی منافع 54 ملین روپے تک پہنچ گیا۔

ہنڈا اٹلس کے اکاؤنٹس کا جائزہ

ماڈل سال 2022 کی پہلی سہ ماہی میں گاڑیوں کی پیداوار میں نمایاں اضافہ دیکھا گیا۔ انڈسٹری کی پیداوار 45000 یونٹس سے تجاوز کر گئی جبکہ گزشتہ سال کی اسی مدت میں 6000 یونٹس تیار کیے گئے تھے۔ ہنڈا گاڑیوں کی پیداوار پچھلے سال کی اسی مدت میں 2263 یونٹس کے مقابلے میں 7826 یونٹس تک پہنچ گئی۔

ماڈل سال 2022 کی پہلی سہ ماہی میں کمپنی کے مالی اور دیگر چارجز اخراجات 203 ملین روپے تک پہنچ گئے جبکہ ماڈل سال 2021 کی پہلی سہ ماہی میں 215 ملین روپے تھے۔ اسی طرح ہونڈا اٹلس کی دیگر آمدنی جون 2021 میں بڑھ کر 355 ملین روپے ہوگئی جو جون 2020 میں 91 ملین روپے تھی۔

مستقبل پر ایک نظر

عالمی وبا کورونا کی صورتحال تھوڑی بہتر ہوگئی ہے جس کی وجہ سے گاڑیوں کی پیداوار اور فروخت میں نمایاں بہتری آئے گی۔ ہونڈا اٹلس اپنی اس تعداد کو مزید بہتر بنانے کے لیے پرامید ہے کیونکہ سپلائی چین اور چپ کی کمی جیسے مسائل مستقبل میں حل ہوسکتے ہیں۔ اس کے علاوہ کمپنی پاکستان مارکیٹ میں بڑھتے ہوئے مقابلے سے نمٹنے کے لیے نئے ماڈل اپ گریڈ اور متعارف کرانے کا ارادہ رکھتی ہے۔ مثال کے طور پر نئی ہنڈا سٹی مارکیٹ میں متعارف ہونے کے بعد دھوم مچا رہی ہے۔

ڈیلرشپ کا بڑھتا ہوا نیٹ ورک، پروڈکٹ لائن اپ گریڈ اور آفٹر سیلز سروس بھی کمپنی کے گیم پلان کا حصہ ہیں۔