ہونڈا سٹی آئی ڈی ایس آئی – پاکستان میں بہترین فیول بچت دینے والی کار

آج ہم ان لوگوں کے لیے بہترین آپشن کی بات کر رہے ہیں جو پاکستان میں استعمال شدہ سیڈان خریدنے کے خواہش مند ہیں لیکن فیول کے حوالے سے اس گاڑی کے مؤثر ہونے پر تشویش میں مبتلا ہیں۔ ہونڈا سٹی iDSI 1300cc مینوئل۔ مالکن سمجھتی ہیں کہ یہ پاکستانیوں کے لیے فیول مؤثر اور افورڈیبل سیڈان کے حوالے سے بہترین چوائس ہے۔

خریداری اور قیمت

مالک نے پاک ویلز کو بتایا کہ انہوں نے یہ گاڑی 2016 میں استعمال شدہ حالت میں 8.5 لاکھ روپے میں خریدی تھی۔ خریداری کے عملے پر بات کرتے ہوئے انہوں نے کہا کہ انہوں نے 8 سے 10 لاکھ روپے کی قیمت میں کسی دوسرے آپشن جیسا کہ ٹویوٹا کرولا پر غور نہیں کیا اور سیدھا ہونڈا سٹی iDSI 2006 کی طرف گئیں۔

انجن پرفارمنس

مالکن اس ہونڈا سٹی کو تین سال سے چلا رہی ہیں، پٹرول فیول پر، اور وہ اس کی انجن پرفارمنس سے خوش ہیں۔ البتہ وہ اس گاڑی کی سستی سے رفتار پکڑنے کی وجہ سے اسے انڈر-پاور ضرور محسوس کرتی ہیں۔ لیکن اسپارک پلگز کی ٹیوننگ اور تبدیلی سے اس مسئلے کو حل کیا جا سکتا ہے۔

فیول ایوریج

مالک کا کہنا ہے کہ وہ اپنی گاڑی کے فیول ایوریج کو بہت سراہتی ہیں، جو تین سال بعد بھی بہت اچھا ہے۔ مالکن کے مطابق یہ گاڑی شہر کے اندر 10 سے 11 کلومیٹرز فی لیٹر اور لمبے روٹ پر 12 سے 13 کلومیٹرز فی لیٹر کا مائلیج دیتی ہے۔

سسپنشن

سخت اور شور کرنے والا سسپنشن مالکن کو اس گاڑی میں درپیش واحد بڑا مسئلہ ہے۔ انہوں نے کہا کہ “گراؤنڈ کلیئرنس نارمل ہے، لیکن اگر گاڑی میں 4 سے 5 افراد بیٹھے ہوں تو اسپیڈ بریکرز مسئلہ بن سکتے ہیں۔”

پارٹس کی دستیابی اور مینٹیننس

اس مقامی طور پر اسمبل شدہ گاڑی کے پارٹس باآسانی لوکل مارکیٹ میں مل جاتے ہیں اور بہت ہی مناسب قیمت پر۔ مالکن کو ایک مرتبہ اپنی گاڑی کے لیے نئی بریک لائٹس لینا پڑیں، جو انہیں صرف  3,000 روپے کی پڑیں۔

اس استعمال شدہ ہونڈا سٹی iDSI کو مینٹین رکھنا بھی بہت آسان ہے۔ مالکن اس گاڑی کی ایک لوکل سروس اسٹیشن سے وقتاً فوقتاً سروس کرواتی ہیں۔ مالکن کا کہنا ہے کہ “میں آئل چینج کرواتی ہوں تو وہ مجھے 2,700 روپے کا پڑتا ہے، جو بہت مناسب ہے۔”

فیچرز جو موجود نہیں

گو کہ مالکن کافی حد تک اس گاڑی کے فیچرز سے مطمئن ہیں لیکن وہ خواہش کرتی ہیں کہ اس گاڑی میں سیٹیں کچھ آرام دہ ہوتیں اور بہتر آڈیو سسٹم ہوتا کیونکہ انہیں آفٹر-مارکیٹ انفوٹینمنٹ سسٹم لگوانا پڑا تھا۔

خوبیاں اور خامیاں

خوبیاں

• بہترین فیول مؤثریت
• مناسب قیمت
• AC کی اچھی کارکردگی
• ڈِگی میں کافی گنجائش
• پارٹس کی آسان دستیابی
• فوری ری سَیل

خامیاں

• اسٹینڈرڈ سیفٹی فیچرز کی عدم موجودگی
• سخت سسپنشن

ہونڈا سٹی iDSI پر آخری بات

ہونڈا سٹی iDSI ایک افورڈیبل اور فیول مؤثر استعمال شدہ سیڈان کے لیے بہترین چوائس ہے۔ یہ گاڑی اچھی طرح کام بھی کرتی ہے اور اپنی ری سَیل ویلیو بھی برقرار رکھتی ہے۔

وڈیو دیکھیں