ہنڈا 2022 نے سال کی بہترین نارتھ امریکن کار کا ایوارڈ جیت لیا ہے۔ یہ خطہ سوِک کے لیے ہنڈا کی واحد سب سے بڑی مارکیٹ ہے۔ کمپنی نے ریاست ہائے متحدہ میں سوِک ایکس کے ہر سال اوسطا 325000 کے یونٹس فروخت کیے جو کہ عالمی فروخت کا تقریباً 50 فیصد بنتا ہے۔ اسی بڑی مارکیٹ کی وجہ سے سوِک ایکس اور سوِک 2022 کو لاس اینجلس میں ہںڈا ڈیزائن اسٹوڈیو نے ڈیزائن اور تیار کیا ہے۔ خیال رہے کہ اس کار کو اپریل 2022 میں بین الاقوامی مارکیٹ میں لانچ کیا گیا تھا۔
ہنڈا نے شمالی امریکہ میں تقریباً 11 ملین سوکس تیار کی ہیں۔ یہ تعداد خطے میں گاڑیوں کی پیداوار کا تقریباً 30 فیصد ہے۔
نارتھ امریکن کار، یوٹیلیٹی ایںڈ ٹرک آف دی ایئر ایوارڈز
سوِک 2022 کو یہ اعزاز شمالی امریکہ کے آٹوموٹیو صحافیوں کی جیوری نے دیا۔ میڈیا رپورٹس کے مطابق جیوری نے نئی سِوک کو ایندھن کی کارکردگی، کم قیمت اور معیار کی وجہ سے ایوارڈ سے نوازا ہے۔
گاڑیوں کو ڈیزائن، سیفٹی فیچرز، ٹیکنالوجی، ڈرائیور کے اطمینان، معیار اور اختراع میں کی وجہ سے ایوارڈز ملتے ہیں۔ اِن ایوارڈز کا آغاز 1994 میں ہوا تھا اور اس کا فیصلہ امریکہ اور کینیڈا کے 50 پیشہ ور آٹو موٹیو صحافیوں نے کیا۔ یہ صحافی آزاد میگزین، ریڈیو، اخبارات، صنعت کی ویب سائٹس اور ٹیلی ویژن کے لیے کام کرتے ہیں۔
میڈیا سے گفتگو کرتے ہوئے امریکی ہنڈا موٹر کے سینیئر اہلکار مائیکل کسٹیمیکر نے کہا کہ ہنڈا سِوک نے طویل عرصے سے وہ معیار قائم کیا ہے جس کے ذریعے دیگر کومپیکٹ کاروں کی پیمائش کی جاتی ہے۔ انہوں نے مزید کہا کہ اس نئی سوِک نے اس معیار کو ہر قابل فہم طریقے سے اٹھایا ہے۔
ہنڈا 2022 پاکستان میں۔۔
یہ سیڈان اپریل 2021 میں بین الاقوامی مارکیٹ میں آئی لیکن بنیادی سوال یہ ہے کہ یہ پاکستان میں کب آرہی ہے؟ ذرائع کے مطابق یہ کار ممکنہ طور پر 2022 میں مقامی مارکیٹ میں پہنچ جائے گی۔ لہذا، ہم بہترین کی امید کر سکتے ہیں۔
کیا آپ نئی ہنڈا سوِک کا انتظار کر رہے ہیں؟ اس ایوارڈ کے بارے میں آپ کا کیا خیال ہے؟ نیچے دئیے گئے سیکشن میں اپنے خیالات کا اظہار کریں۔
