ہنڈا پاکستان کے منافع بعد از ٹیکس (PAT) میں حیران کن طور پر 82 فیصد کی کمی واقع ہوئی ہے، جو اس کے مالی سال 2023-24 کی تیسری سہ ماہی میں صرف 143.25 ملین روپے تک گر گئی۔ اس سے قبل گزشتہ سال کی اسی مدت کے دوران یہی منافع 810.82 ملین ریکارڈ کیا گیا تھا۔ کمپنی کے منافع میں بڑی کمی کار انڈسٹری کی مندی کی شدت کو نمایاں کرتی ہے۔
کمپنی کی اس مالی بدحالی کے پیچھے بنیادی وجہ سیلز میں زبردست کمی ہے۔ ہنڈا پاکستان کی سیلز میں 46 فیصد کمی دیکھی گئی ہے۔ یعنی گزشتہ سال کی اسی سہ ماہی میں سیلز 22.95 بلین روپے تھی جو کہ رواں مالی سال میں کم ہو کر 12.43 بلین روپے رہ گئی ہے۔
نتیجتاً، کمپنی نے 3QFY24میں 1.03 بلین روپے کے مجموعی منافع رپورٹ کیا جو کہ پچھلے سال کی اسی سہ ماہی میں 1.79 بلین سے تقریباً 43 فیصد کمی کو ظاہر کرتا ہے۔ حیرت انگیز طور پر مجموعی منافع میں کمی کے باوجود کمپنی کا مجموعی مارجن دراصل بڑھ کر 8.3 فیصد ہو گیا ہے جو پچھلے سال کی اسی سہ ماہی میں 7.8 فیصد تھا۔
اسکے علاوہ کمپنی کے انتظامی اخراجات میں قابل ذکر اضافہ دیکھا گیا ہے جو کہ گزشتہ سال کی اسی مدت میں 321.6 ملین روپے کے مقابلے3QFY24 میں 24 فیصد اضافے کے بعد 398.4 ملین روپے تک پہنچ گیا۔
ہنڈا اٹلس کی سیلز میں کمی
ہیونڈائی نشاط کی سیلز میں 11 فیصد کمی دیکھی گئی ہے۔ یعنی کہ نومبر 2023 میں 1015 یونٹس کے مقابلے میں گزشتہ ماہ 901 یونٹس فروخت ہوئے۔ ہنڈا اٹلس نے سٹی اور سوِک کے 787 یونٹس اور BR-V کے 114 یونٹس فروخت کیے۔
پاکستان میں کار انڈسٹری شعبہ اپنے نازک موڑ پر کھڑی ہے۔ اور یہ واضح ہے کہ معاشی استحکام کو آنے میں ابھی ایک طویل وقت درکار ہے جو کہ بلاشبہ پاکستان کی پہلے سے ہی کمزور کار انڈسٹری پر مزید اثر انداز ہوگا۔
پاکستان آٹوموٹیو مینوفیکچررز ایسوسی ایشن (PAMA) کی تازہ ترین رپورٹ کے مطابق، گزشتہ ماہ کاروں کی فروخت میں ماہانہ 10 فیصد کمی واقع ہوئی۔ یعنی کہ نومبر 2023 میں فروخت ہونے والی 6475 گاڑیوں کے مقابلے 5816 گاڑیاں فروخت ہوئیں۔
