ڈرائیو نہ کرو” ایڈوائزری کے تحت، ہنڈا اور ایکورا نے ایک بیان جاری کیا جس میں 2001 سے 2003 ماڈل کی 8200 پرانی گاڑیوں کو واپس منگوا لیا گیا ہے جن میں ناقص ٹکاٹا ایئر بیگز لگے تھے۔ نیشنل ہائی وے ٹریفک سیفٹی ایڈمنسٹریشن نے کاروں کے مالکان پر زور دیا کہ وہ ایئر بیگ انفلیٹر کو تبدیل کریں جو کسی معمولی حادثے کے دوران بھی پھٹ سکتے ہیں۔
خیال رہے کہ زیادہ نمی اور گرمی کا نشانہ بننے والے ایئر بیگز ڈرائیور یا مسافر کے چہرے پر پھٹ سکتے ہیں اور اہم ترین بات یہ ہے کہ اس دوران دھات کے ٹکڑے گہری چوٹ، حتی کہ موت کا سبب بھی بن سکتے ہیں یا جان لیوا بھی ثابت ہو سکتے ہیں۔
میڈیا رپورٹس کے مطابق ہنڈا نے پہلے انفلیٹروں کو تبدیل کیا تھا لیکن ریکارڈ سے پتہ چلتا ہے کہ بہت سے مالکان نے اپنی پرانی کاروں کی مرمت کرواتے ہوئے ابھی تک ائیر بیگز تبدیل نہیں کرروائے۔ ان متاثرہ گاڑیوں میں 2001 اور 2002 ماڈل کی ہنڈا اور سوِک، 2002 ماڈل کی ہنڈا CR-V اور اوڈیسے ایس یو ویز، 2003 کی ہنڈا پائلٹ، 2002 اور 2003 ماڈل کی 3200 سی سی ایکورا شامل ہیں۔ اس دوران کمپنی مفت مرمت کی پیشکش کر رہی ہے۔
اتھارٹی کے عہدیداروں نے کہا ہے کہ یہ انفلیٹرز اب دو دہائیوں پرانے ہو چکے ہیں اور 50 فیصد امکان ہے کہ یہ معمولی حادثے میں بھی پھٹ سکتے ہیں۔ لہذا اپنی زندگی یا اپنے پیاروں کی زندگی کا خیال رکھیں اور آج ہی اپنی مفت مرمت کا شیڈول بنائیں اس سے پہلے کہ بہت دیر ہو جائے۔
کمپنی نے مطلع کیا ہے کہ ان گاڑیوں کے مالکان نے ای میلز، میل نوٹسز، فون کالز اور یہاں تک کہ گھر گھر جا کر بھی رابطہ کیا ہے۔
