کِیا لکی موٹرز نے رواں سال اپنی گاڑیوں کی قیمتوں میں کتنا اضافہ کیا؟

پاکستان میں گاڑیوں کی بڑھتی قیمتیں صارفین کیلئے نئی بات نہیں ہے۔ بڑھتی مہنگائی اور ڈالر کے مقابلے میں روپے کی گرتی شرح نے رواں سال کار کمپنیز کو اپنی گاڑیوں کی قیمتیں بڑھانے پر مجبور کر دیا ہے۔

دیگر کار کمپنیز کی طرح لکی موٹرز کارپوریشن نے بھی اپنی گاڑیوں کی قیمتوں میں بڑا اضافہ کیا ہے لیکن یہ اضافہ نسبتا کافی زیادہ ہے۔ کمپنی نے قیمتوں میں 42 فیصد تک اضافہ کیا ہے۔

جنوری سے لے کر اب تک کار کمپنی نے مندرجہ ذیل اضافہ کیا ہے۔

گاڑیوں کی قیمتوں بڑا اضافہ کیوں؟

ای ڈی بی (EDB) کی جانب سے جاری کردہ رپورٹ کے مطابق، رواں سال کے آغاز سے لے کر اب تک گاڑیوں کی قیمتوں میں 47 فیصد اضافہ کیا گیا ہے۔ رپورٹ میں مزید کہا گیا ہے کہ روپے کی قدر میں 31 فیصد اضافے کے ساتھ ساتھ موجودہ حکومت کی جانب سے آٹو موبائل سیکٹر پر عائد کردہ ڈیوٹیز اور ٹیکسز نے کار کمپنیز کو گاڑیوں کی قیمتیں بار بار بڑھانے پر مجبور کیا ہے۔

اس کے علاوہ بڑھتے فریٹ چارجز اور خام مال کی قیمتوں نے مسائل میں مزید اضافہ کیا ہے۔

ان تمام حالات کے برعکس پبلکس اکاؤنٹس کمیٹی (PAC) اور پاکستان انسٹیٹیوٹ آف ڈیلوپمنٹ اکنامکس (PIDE) کی رپورٹ کچھ مختلف کہانی بتاتی ہے۔ رپورٹ می کہا گیا ہے کہ چند اضافے رقم کمانے کیلئے جان بوجھ کر چیزوں میں ردوبدل کیا گیا ہے۔

رپورٹ میں مزید کہا گیا ہے کہ کار کمپنیز سالانہ 400000 لاکھ گاڑیاں تیار کرنے کی صلاحیت رکھتی ہیں لیکن جان بوجھ کر سالانہ صرف 200000 لاکھ گاڑیاں تیار کی جاتی ہیں تاکہ گاڑیوں کی بڑھتی ڈیمانڈ کے سامنے رسد کم رہے۔ جس کے بعد نہ صرف گاڑیاں مہنگی کی جائیں بلکہ آن منی کے نام پر الگ سے پیسے کمائے جائیں۔

کار کمپنیز کی جانب سے بڑھائی گئی ان قیمتوں کے بارے آپ کا کیا خیال ہے؟ کمنٹس سیکشن میں اپنی رائے کا اظہار کریں۔