پاکستان آٹو موٹیو انڈسٹری میں عجیب و غریب صورتحال دیکھنے کو مل رہی ہے۔ گاڑیوں کی قیمتیں کم ہو رہی ہیں جبکہ بائیکس کی قیمتیں بڑھ رہی ہیں۔ تین بائیک کمپنیز ہنڈا، یاماہا اور سوزوکی نے بائیکس کی قیمتوں میں اضافہ کیا ہے۔
اس سے قبل بڑھائی گئی قیمتوں نے YBR 125G کی قیمت میں اضافہ نہیں کیا تھا لیکن کمپنی نے ایک نوٹیفیکیشن کے ذریعے بائیک کی قیمت بڑھانے کا اعلان کیا ہے۔ یاماہا YBR 125G کی قیمت میں 8000 روپے ک اضافہ کیا گیا ہے جس کے بعد بائیک کی نئی قیمت 205000 روپے ہو گئی ہے جبکہ بائیک کی پرانی قیمت 197,000 تھی۔ یاماہا موٹر پاکستان لمیٹڈ کی جانب سے میں اضافے کا نوٹس یہ ہے۔
یاماہا بائیکس کی نئی قیمتیں
اس سے قبل یاماہا بائیکس کی قیمتوں میں اضافہ کیا گیا تھا۔ یاماہا YB 125 Z کی قیمت میں 7000 روپے اضافہ کیا گیا جس کے بعد بائیک کی نئی قیمت 176000 روپے ہو گئی جبکہ بائیک کی پرانی قیمت 169000 روپے تھی۔
یاماہا YB 125Z-DX کی قیمت میں 7500 روپے اضافہ کیا گیا ہے جس کے بعد بائیک کی قیمت 182000 روپے سے بڑھ کر190000 روپے ہو گئی ہے۔
اسی طرح یاماہا YBR کی قیمت میں 8000 روپے کا اضافہ کیا گیا ہے جس کے بعد بائیک کی نئی قیمت 188000 روپے سے بڑھ کر 196000 روپے ہو گئی ہے اور اب یاماہا YBR کی قیمت میں بھی 8000 روپے اضافہ کر دیا گیا ہے۔
میڈیا رپورٹس کے مطابق قیمتوں میں مسلسل اضافے کی وجہ بائکس کی بہت زیادہ مانگ ہے۔ رپورٹس میں بتایا گیا ہے کہ پچھلے سال لاک ڈاؤن کے خاتمے کے بعد مارکیٹ میں بائکس کی مانگ میں اضافہ ہوا ہے اور سپلائیرز کو بائک اور ان کے اسپیئر پارٹس کی مانگ پوری کرنے میں مشکل کا سامنا کرنا پڑ رہا ہے۔ یہی وجہ ہے کہ ’آن منی‘ پر بائکس فروخت کررہے ہیں۔
قیمتوں میں مسلسل اضافے کے بارے آپ کا کیا خیال ہے؟ کیا آپ کو لگتا ہے کہ قیمتوں میں اضافہ جائز ہے؟ نیچے دئیے گئے کمنٹس سیکشن میں اپنی رائے کا اظہار کریں۔
