ہیونڈائی IONIQ 5 اور IONIQ 6 – قیمتیں، بکنگ اور ڈلیوری سے متعلق تفصیلات

جیسا کہ ہم آپ کو پہلے بتا چکے ہیں کہ آج پاکستان میں ہیونڈائی IONIQ 5 اور IONIQ 6 جیسی الیکٹرک گاڑیاں لانچ کر دی گئی ہیں۔ ہیونڈائی نشاط موٹرز نے ان کاروں کی قیمتوں کا اعلان بھی کر دیا ہے۔ تاہم ہم یہ بتانا چاہیں گے کہ یہ فی الحال ٹیسٹ یونٹس ہیں، لیکن کمپنی کا منصوبہ ہے کہ آنے والے چند ماہ میں ان الیکٹرک گاڑیوں کو پاکستان میں لانچ کیا جائے۔

 ہیونڈائیIONIQ 5  کی قیمت

کمپنی کے مطابق ہیونڈائیIONIQ 5  کی قیمت 22500000 روپے ہے یعنی کہ یہ ایک پریمیم سیگمنٹ الیکٹرک کار ہے۔ یہ پاکستان میں پہلی الیکٹرک کار ہے اور مقامی آٹو مارکیٹ میں ایک دلچسپ اضافہ قرار دی جا رہی ہے۔

 ہیونڈائیIONIQ 6  کی قیمت

کمپنی نے ہیونڈائی IONIQ 6 کی بھی قیمت کا اعلان کر دیا ہے اور یہ 23000000 روپے ہے۔ یہ ایک بہت ہی پریمیم پروڈکٹ ہے۔ گاڑی کی لُک بہت ہی پریمیم جبکہ اس کا انٹیرئیر بہت آرام دہ ہے اور یہ آڈی اور بی ایم ڈبلیو کی کاروں کا مقابلہ کر سکتی ہے، لیکن اس کی قیمت ان گاڑیوں کی نسبت کافی کم ہے۔

بکنگ اور ڈلیوری سے متعلق تفصیلات

کمپنی کے مطابق، ان نئی کی بکنگ یکم مارچ 2024 سے کھلی ہے جبکہ گاڑی کا ڈلیوری ٹائم 4 سے 5 ماہ ہے۔ اس کے علاوہ 50 فیصد ادائیگی بکنگ کے وقت جبکہ 50 فیصد ادائیگی ڈیلیوری کے وقت کرنا ہوگی۔ یہ گاڑیاں ہیونڈائی کی ذیل میں دی گئی ڈیلرشپس پر دستیاب ہیں۔

• ہیونڈائی لاہور، جیل روڈ
• ہیونڈائی سٹی سٹور، ایمپوریم مال لاہور
• ہیونڈائی سٹی سٹور، کراچی ہیونڈائی ڈیلرشپ

یہ نئی گاڑیاں ان صارفین کو نیا آپشن فراہم کریں گی جو مہنگی اور لگژری الیکٹرک گاڑیاں خریدنا چاہتے ہیں لیکن ان کے آڈی اور بی ایم ڈبلیو جیسی مشہور برانڈز کی الیکٹرک گاڑیاں خریدنے کا بجٹ نہیں ہے۔ پاکستانی آٹو مارکیٹ میں پچھلے دو سالوں میں بہت سی الیکٹرک گاڑیاں آئی ہیں کیونکہ تقریباً تمام کمپنیاں اس سیگمنٹ میں سرمایہ کاری کر رہی ہیں۔ سابق حکومت نے الیکٹرک گاڑیوں پر توجہ مرکوز کرتے ہوئے آٹو پالیسی تیار کی۔ تاہم، ملک ابھی بھی الیکٹرک گاڑیوں کے لیے مناسب انفراسٹرکچر سے کافی دور ہے۔

ان گاڑیوں کی قیمتوں کے بارے آپ کا کیا خیال ہے؟ کمنٹس سیکشن میں ہمیں بتائیں۔