ایک طرف جہاں مختلف کمپنیز نے اپنی گاڑیوں کی قیمتوں میں کمی کا اعلان کیا ہے تو وہیں دوسری جانب ہیونڈائی نے کہا وہ اپنی گاڑیوں کی قیمتیں کم نہیں کرے گی۔
کمپنی نے حال ہی میں اپنے ڈیلرز کو بتایا کہ وہ دیگر کمپنیوں کی طرح اپنی کاروں کی قیمتوں میں کمی نہیں کرے گی۔ کمپنی کی جانب سے ایسا کرنے کی وجہ بھی بتائی گئی ہے۔ کمپنی کا کہنا ہے کہ دیگر آٹوموٹیو کمپنیوں جیسا کہ ہنڈا، سوزوکی اور ٹویوٹا نے روپے کی قدر میں کئی بار کمی کی وجہ سے اپنی کاروں کی قیمتوں میں اضافہ کیا لیکن ہیونڈائی نے ایسا نہیں کیا۔
کمپنی نے بتایا کہ دیگر کار کمپنیوں کے مقابلے میں اس کی قیمتوں میں اضافہ انڈسٹری سب سے کم رہا ہے۔ دیگر کمپنیوں کی قیمتوں میں کمی کے بعد بھی ہنڈائی کا ریٹ ان سے کم تھا۔ دیگر کمپنیز نے قیمتوں میں 22 سے 24 فیصد تک اضافہ کیا جبکہ ہیونڈائی نے صرف 13 فیصد اضافہ کیا۔ چونکہ یہ اضافہ پاکستانی روپے کی موجودہ قیمت کے مطابق ہے، کمپنی موجودہ قیمتوں کو جائز سمجھتی ہے۔
مزید برآں، ہیونڈائی نے یہ بھی بتایا کہ کس طرح انہوں نے دوسری کمپنیوں (جیسے ٹویوٹا) کے برعکس اپنی کسی بھی گاڑی کے آرڈر انٹیک کو معطل نہیں کیا۔ یہ ہیونڈائی اور اس کے حریفوں کے درمیان ایک اور بڑا فرق ہے۔ س کے علاوہ کمپنی عوامی مانگ کو پورا کرنے میں ناکام نہیں ہوئی ہے اور کمپنی اس چیز کو اس وقت مارکیٹ میں ایک بڑے فائدہ کے طور پر دیکھتی ہے۔
یہ دو اہم وجوہات ہیں جن کی وجہ سے ہیونڈائی نے کہا کہ وہ اپنی گاڑیوں کی قیمتوں میں کمی نہیں کرے گی۔
اس دلیل کے بارے میں آپ کا کیا خیال ہے؟ کیا آپ کے خیال میں ہیونڈائی کو اپنی موجودہ قیمتوں کو برقرار رکھنا جائز ہے، یا انہیں بھی اپنی قیمتوں پر نظر ثانی اور کمی کرنی چاہیے؟ کمنٹس سیکشن میں ہمارے ساتھ اپنے خیالات کا اظہار کریں!
