پاکستان میں جاری معاشی بدحالی اور پوری صنعت پر اس کے منفی اثرات کوئی ڈھکی چھپی بات نہیں ہے۔ دریں اثنا، پاکستان کی پہلے سے مشکلات کا شکار کار انڈسٹری بھی شدید متاثر ہوئی ہے۔
زرمبادلہ کے کم ہوتے ذخائر نے سٹیٹ بینک آف پاکستان (SBP) پر درآمدی پابندیاں عائد کرنے پر مجبور کیا۔ جس کے نتیجے میں مقامی کار اسمبلرز کو پیداوار میں کمی اور قیمتوں میں اضافے کا اعلان کرنا پڑا۔ مزید برآں، اسمبلی پلانٹس میں کام کرنے والے ہزاروں ملازمین بھی اپنی نوکریوں سے ہاتھ دھو بیٹھے۔
ملک میں آٹو اسمبلرز اب بھی اپنی گاڑیوں کی قیمتوں میں اضافہ کر رہے ہیں۔ حیران کن بات یہ ہے کہ صارفین کو بکنگ کے بعد بھی اضافی قیمت ادا کرنا پڑتی ہے۔
سپیشل آفر
ایسی پریشان کن صورتحال میں،ہیونڈائی نشاط نے اپنی کار ایلانٹرا پر محدود مدت کیلئے سپیشل آفر لگا دی ہے۔ جس میں فوری ڈیلیوری اور پرائس لاک شامل ہے۔ سب سے پہلے، جن صارفین نے ہیونڈائی ایلانٹرا خریدی ہے انہیں ڈیلیوری کا انتظار نہیں کرنا پڑے گا۔ دوسرا، پرائس لاک آفر صارفین کو کار کی بکنگ کے بعد بھی کسی بھی اضافے سے محفوظ رکھے گی۔
خیال رہے کہ ایلانٹرا نے سیڈان سیگمنٹ میں ہنڈا سِوک اور ٹویوٹا کرولا کی بالادستی کو توڑ دیا ہے۔ کمپنی نے پاکستان میں ایلانٹرا کے دو ویرینٹس 2.0 جی ایل ایس اور 1.6 جی ایل شامل ہیں۔
ایلانٹرا 2.0 GLS کے فیچرز
- 2000 سی سی 4 سلنڈر MPIگیسولین DOHC انجن
- 6 سپیڈ آٹومیٹک ٹرانسمشن
- 4 ڈرائیو موڈز
- ایل ای ڈی ہیڈلائٹس اور ٹیل لائٹس
- ٹریکشن کنٹرول
- ہِل سٹارٹ اسسٹ
- اینٹی لاک بریکنگ سسٹم
- رئیر پارکنگ کیمرہ
- ڈوئیل SRS بیگ
- الیکٹرک پاور سٹیرنگ
- پاور ونڈوز
ایلانٹرا 1.6 GL کے فیچرز
- 1600 سی سی انجن
- 6 سپیڈ آٹو ٹرپ ٹرونک ٹرانسمشن
- ڈوئیل ائیر بیگز
- ABS + EBD
- ہل سٹارٹ اسسٹ
- ریورس کیمرہ
- 6 وے مینوئل ایڈجسٹمنٹ ڈرائیور سیٹ
ہیونڈائی نشاط کی اس آفر کے بارے میں آپ کی کیا رائے ہے؟ کمنٹس سیکشن میں اپنی رائے کا اظہار کریں۔
