پاک ویلز موبائل ایپس
PakWheels Blog

ٹرینڈنگ

Hyundai Pakistan
خبریںبین الاقوامی

ہیونڈائی پاکستان کی یکجہتی کشمیر کی ٹویٹ، بھارت کا بائیکاٹ

لکھاری Sulman Ali
0 323

جنوبی کوریا کی کار کمپنی، ہیونڈائی کو اس کے پاکستانی پارٹنر، ہنڈائی-نشاط کی جانب سے مقبوضہ کشمیر کے لوگوں کے لیے اظہار یکجہتی کے لیے ٹویٹ کیے جانے کے بعد بھارت کی جانب سے ردعمل کا سامنا کرنا پڑا ہے۔ بھارتی عوام نے کمپنی کے بائیکاٹ کا مطالبہ کیا ہے۔ یہ مسئلہ 5 فروری کو پاکستان کی جانب سے سالانہ یوم یکجہتی کشمیر منانے کے ایک دن بعد شروع ہوا۔ اس دن کے موقع پر ہیونڈائی پاکستان نے ایک ٹویٹ کیا جس میں کہا گیا تھا کہ “آئیے ہم اپنے کشمیری بھائیوں کی قربانیوں کو یاد رکھیں اور آزادی کی جدوجہد کو جاری رکھتے ہوئے حمایت میں کھڑے ہوں۔”

Hyundai Pakistan tweet

اور یہ ٹویٹ بھارتی عوام ہضم نہ کر سکے اور بھارت میں واویلا مچایا جا رہا ہے۔ درجنوں افراد کی جانب سے ٹویٹس کی گئی ہیں۔ جن میں کہا گیا ہے کہ کمپنی کا بائیکاٹ کرتے ہوئے تمام آرڈرز کینسل کیے جائیں اور حکومت ان کیخلاف ایکشن لے۔

ذیل میں چند ٹویٹس درج ہیں جن میں بائیکاٹ کا مطالبہ کیا گیا ہے۔

اس سابق بھارتی کور کمانڈر کا کہنا ہے کہ ہم نے بہادر فوجیوں اور معصوم غیر مسلح شہریوں کی قربانی دی ہے … ان کی قربانی ہم ہندوستانیوں کے لیے زیادہ قیمتی ہے۔

اور اس ریٹائرڈ بھارتی میجر کا خیال ہے کہ ہیونڈائی دہشت گردی کی حمایت کرتی ہے۔

ہیونڈائی انڈیا کا بیان

ہیونڈائی انڈیا نے ایک بیان جاری کرتے ہوئے کہا ہے کہ اس طرز کے حساس  معاملات پر اس کی “زیرو ٹالرینس” کی پالیسی ہے اور ہم ایسے کسی بھی نقطہ نظر کی سختی سے مذمت کرتے ہیں۔

کمپنی نے مزید کہا ہے کہ  یہ سوشل میڈیا پوسٹ اس عظیم ملک کے لیے ہماری بے مثال وابستگی اور خدمات کو ٹھیس پہنچا رہی ہے۔

تاہم، بھارتی عوام کے ایک بڑے حصے نے ہیونڈائی انڈیا کے اس بیان کو قبول نہیں کیا اوراس بات پر زور دیا کہ وہ کمپنی کا مکمل بائیکاٹ کریں۔ یہ بات قابل ذکر ہے کہ ہیونڈائی، ماروتی سوزوکی کے بعد ہندوستان کی دوسری سب سے بڑی کار بیچنے والی کمپنی ہے، جس نے گزشتہ مالی سال ملک میں تقریباً نصف ملین گاڑیاں فروخت کیں۔ مزید برآں، کمپنی نے 10 لاکھ سے زائد یونٹس برآمد کیے، جو اسے بھارت کا سب سے بڑا کار برآمد کنندہ بناتا ہے۔

ہیونڈائی پاکستان کا ردعمل

ہیونڈائی پاکستان کی جانب سے ابھی تک کوئی جواب نہیں آیا۔ اس سارے معاملے میں سب سے دلچسپ بات یہ ہے کہ ہیونڈائی انڈیا نے کچھ نہیں کیا، پھر بھی وہ بھارتی عوام سے معافی مانگ رہی ہے۔ اور ہمارے خیال میں یہ کافی حیران کن بات ہے۔

دریں اثناء۔ ہیوںڈائی پاکستان نے اس رجحان پر کوئی ردعمل ظاہر نہیں کیا اور ہمارے خیال میں کمپنی درست ہے کیونکہ کمپنی کے پاس بھارتی صارفین کو سمجھانے کے لیے کچھ نہیں ہے۔

Google App Store App Store
Sulman Ali
شاید آپ یہ بھی پسند کریں مصنف سے زیادہ

جواب چھوڑیں

آپ کا ای میل ایڈریس شائع نہیں کیا جائے گا.

سوشل نیٹ ورکس پر ہم سے جڑیں
تمام جملہ حقوق © 2003 - 2025 بحق پاک ویلز پرائیوٹ لمیٹڈ محفوظ ہیں۔
قواعد و ضوابط |  پرائیویسی پالیسی

پاک ویلز ڈاٹ کام سے بغیر اجازت کسی بھی قسم کا مواد نقل کرنا ممنوع ہے۔

Join WhatsApp Channel