ہنڈائی سانٹا فے 2024 بھی پاکستان میں آ گئی

لگتا ہے کہ ہنڈائی اور کِیا پاکستان میں اپنے بین الاقوامی ماڈلز متعارف کرانے میں گہری دلچسپی رکھتے ہیں۔ اس سے پہلے ہمیں کِیا سپورٹیج اور کِیا سورینٹو نظر آئیں، اور اب ہمیں 2024 ماڈل ہنڈائی سانٹا فے کا ٹیسٹ یونٹ بھی دکھائی دیا۔ ایک شخص نے ہمیں پاک ویلز انسٹاگرام پر ہمیں سانٹا فے کی تصویر بھیجی جس میں یہ گاڑی کنٹینر سے اتاری جا رہی تھی۔ جسے دیکھتے ہوئے ہم نے اندازہ لگایا کہ یہ نشاط موٹرز کا امپورٹڈ ٹیسٹ یونٹ ہوگا اور رپورٹس کے مطابق یہ کمپنی نے ہی ٹیسٹںگ کیلئے منگوایا ہے۔

پاکستان میں ممکنہ لانچ کو مدنظر رکھتے ہوئے، ذیل میں 2024 سانٹا فے کے انٹرنیشل فیچرز و دیگر خصوصیات دی گئی ہیں، جو کہ ممکنہ طور پر ہُنڈائی نشاط جلد ہی پاکستان میں پیش کرے گا۔

ہُنڈائی سانٹا فے 2024 کا ریوئیو

ہُنڈائی سانٹا فے کمپنی کی سب سے زیادہ فروخت ہونے والی سیون سیٹر ایس یو وی میں سے ایک ہے۔ یہ ایک مکمل لگژری فیملی کار ہے اور اس میں کمفرٹ کے معاملے میں کوئی کمی نہیں کی گئی۔ اس جنریشن کا ڈیزائن کافی منفرد ہے اور خاص طور پر پیچھے سے یہ ’’اسٹار وارز‘‘ سیریز کی گاڑی کی طرح دکھائی دیتی ہے، جو یقیناً توجہ کا مرکز بنے گی۔

اس کی باڈی شیپ باکسی ہے، جو کہ نہ صرف جدید اور اسٹائلش ہے بلکہ اندرونی حصے میں ہیڈ روم اور عملی استعمال کو بھی بڑھاتی ہے۔ اندرونی حصے میں، یہ ایک فیملی ایس یو وی کے طور پر درکار تمام خصوصیات رکھتی ہے۔ واحد مسئلہ تیسری قطار ہو سکتی ہے جو کہ بالغ افراد کے لئے تھوڑی تنگ ہے لیکن بچوں کے لئے بہترین ہے۔

اس قسم کی گاڑی میں ایک مسئلہ باڈی رول کا ہوتا ہے، جو کہ گاڑی کا نقص نہیں بلکہ فزکس کا اصول ہے۔ باکسی شکل عملی فوائد بڑھاتی ہے، مگر موٹر وے پر باڈی رول کو بھی بڑھاتی ہے، تو اگر بس آپ کے پاس سے گزرے تو آپ کو جھٹکا محسوس ہوگا۔

انجن چھوٹا ہے مگر چونکہ یہ پی ایچ ای وی یا ایچ ای وی ہے، اس لئے شہر میں چلانے کے لئے پاور مناسب ہے۔ تاہم، موٹر وے پر خاص کر پوری طرح لوڈ ہونے پر اسے تھوڑی دشواری پیش آ سکتی ہے۔

گاڑی کے انٹیرئیر کا بنیادی رنگ سفید ہے لیکن امکان ہے کہ پاکستان میں ہیونڈائی سفید انٹیریئر متعارف نہیں کرائے گی بلکہ یہ بلیک یا بیج ہوگا۔ انٹیریئر نہایت خوبصورت، عملی اور انتہائی شاندار ہے، جسے دیکھ کر رینج روور ڈسکوری کی یاد آتی ہے۔

یہ موجودہ سانٹا فی سے بہت آگے ہے جو محض ٹوسان کا بڑا ورژن دکھائی دیتی ہے۔ آپ ان دونوں جنریشنز کا موازنہ نہیں کر سکتے؛ نئی جنریشن موجودہ سانتا فی کو معیار کے لحاظ سے پیچھے چھوڑ دیتی ہے۔

یہاں بین الاقوامی ویرینٹ سانتا فی 2024 کی خصوصیات درج ہیں:

انٹیرئیر

ایکسٹیرئیر

سیفٹی فیچرز