پاکستان میں موجود دیگر کراس اوور ایس یو ویز کی طرح ہیونڈائی ٹوسان میں بھی پارکنگ سینسرز دے دئیے گئے ہیں جبکہ اس سے قبل گاڑی میں یہ فیچر نہیں دیا گیا تھا۔ تفصیلات کے مطابق کمپنی نے یہ فیچر صرف ٹاپ ویرینٹ میں دیا ہے۔ اس سے قبل اطلاعات تھیں کہ کمپنی ٹوسان سے متعلق کوئی بڑی خبر دینے والی ہے، اس سے متعلق کافی زیادہ امیدیں وابستی تھیں لیکن ہیونڈائی نے گاڑی میں صرف پارکنگ سینسرز کا اضافہ کیا۔
خیال رہے کہ مقامی مارکیٹ میں تقریباً تمام دیگر کراس اوور SUVs پارکنگ سینسرز کے ساتھ آتی ہیں، جن میں ٹوسان کی براہ راست حریف کِیا سپورٹیج بھی شامل ہے۔ ٹوسان کے شائقین کے لیے اچھی خبر یہ ہے کہ ہیونڈائی نے اس اضافی سہولت کے بعد گاڑی کی قیمت میں کوئی اضافہ نہیں کیا ہے۔
پارکنگ سینسر
پارکنگ سینسرز تمام نئی لانچ شدہ کاروں کے لیے ایک بنیادی خصوصیت بن گئے ہیں کیونکہ وہ تنگ جگہوں پر نیویگیٹ اور پارکنگ میں مدد کرتے ہیں۔ زیادہ تر کاروں میں، کمپنیاں الٹراسونک سینسر استعمال کرتی ہیں جو آواز کی لہروں کو خارج کرتی ہیں، کار میں ایک کنٹرولر کے ساتھ یہ پیمائش کرتا ہے ۔ اس سے یہ اندازہ لگانے میں مدد ملتی ہے کہ شے کتنی دور ہے۔ ٹوسان کو پاکستان میں اگست 2020 میں لانچ کیا گیا تھا، اور پارکنگ سینسرز کی عدم موجودگی صارفین اور کار سے محبت کرنے والوں کے لیے ایک طرح کی مایوس کن تھی۔ لیکن اچھی بات ہے کہ ہیونڈائی نشاط نے لانچ کے تین سال بعد یہ فیچر پیش کرنے کا فیصلہ کیا ہے۔
امید ہے کہ یہ نیا فیچر کمپنی کو ٹوسان کی فروخت بڑھانے میں مدد دے گا کیونکہ PAMA کی رپورٹ کے مطابق مارچ میں 280 کے مقابلے اپریل 2023 میں صرف 315 یونٹس فروخت ہوئے تھے، جو کہ 27 فیصد کی کمی کو ظاہر کرتے ہیں۔
ہیونڈائی ٹوسان میں نئے پارکنگ سینسرز کے بارے میں آپ کیا خیال ہےَ؟ کیا اس سے گاڑی کی سیلز پر کوئی اثر پڑے گا؟ کمنٹس سیکشن میں اپنی رائے کا اظہار کریں۔
