ہیونڈائی ٹکسن بمقابلہ ٹویوٹا فورچیونر جی: ایک مختصر تقابل!

پاکستان کا سب سے بڑا آٹو شو PAPS 2020 اس وقت لاہور انٹرنیشنل ایکسپو سینٹر میں جاری ہے کہ جہاں گاڑیوں کے شوقین اور ہزاروں آنے والے افراد زبردست جوش و خروش کا مظاہرہ کر رہے ہیں۔ ہیونڈائی اس ایونٹ کا ایک نمایاں شریک ہے اور اس کی ایک خاص وجہ ہے کیونکہ اس نے یہاں اپنی کراس اوور SUV ٹکسن اور کومپیکٹ سیڈان ایلانٹرا متعارف کروائی۔ ہیونڈائی ٹکسن مقامی مارکیٹ میں کِیا اسپورٹیج اور ٹویوٹا فورچیونر کا مقابلہ کرنے والی گاڑی ہے۔ اس تحریر میں ہم ہیونڈائی ٹکسن کا ٹویوٹا فورچیونر کے بنیادی ماڈل یعنی فورچیونر G سے تقابل کریں گے۔

پاور ٹرین: 

ہیونڈائی ٹکسن آل-ویل-ڈرائیو (AWD) سسٹم کے ساتھ ایک 2.0-لیٹر MPI گیسولین انجن کی طاقت رکھتی ہے۔ اس کا طاقتور انجن 6200 rpm پر زیادہ سے زیادہ 155 hp اور 4000 rpm پر زیادہ سے زیادہ 192 Nm کا ٹارک پیدا کرتا ہے۔ ٹکسن کے مقابلے میں فورچیونر G سیکوئنشل ملٹی-پورٹ فیول انجکشن سسٹم کے ساتھ ایک 4-سلنڈر اِن-لائن 2694cc کا 2TR-FE پٹرول انجن رکھتی ہے۔ یہ 5200 rpm پر 122 Kw کی زیادہ سے زیادہ طاقت اور 4000 rpm پر 245 Nm کا زیادہ سے زیادہ ٹارک پیدا کرتا ہے۔ 

پیمائش: 

ہیونڈائی ٹکسن 4480 ملی میٹر کی لمبائی رکھتی ہے اور اس کی چوڑائی اور اونچائی بالترتیب 1850 ملی میٹر اور 1655 ملی میٹر ہیں۔ اس کی ویل بیس اور کم از کم گراؤنڈ کلیئرنس 2670 ملی میٹر اور 172 ملی میٹر ہیں۔ دوسری جانب فورچیونر G ٹکسن کے مقابلے میں زیادہ لمبی باڈی رکھتی ہے یعنی 4795 ملی میٹر کی۔ اس کی چوڑائی اور اونچائی بالترتیب 1855 ملی میٹر اور 1835 ملی میٹر ہیں۔ فورچیونر G کی ویل بیس اور کم از کم گراؤنڈ کلیئرنس بالترتیب 2750 ملی میٹر اور 279 ملی میٹر ہیں جو اپنی مقابل گاڑی سے کہیں زیادہ ہیں۔ 

بریکنگ اور سسپنشن: 

ہیونڈائی ٹکسن ایک ہموار بریکنگ تجربہ رکھتی ہے۔ اگلے پہیوں میں فلوٹنگ کیلیپرز اور پیڈز ویئر وارننگ ڈیوائسز کے کے ساتھ وینٹی لیٹڈ ڈِسک بریکس ہیں۔ آٹومیکر نے کراس اوور کے پچھلے حصے میں فلوٹنگ کیلیپرز، پیڈز ویئر وارننگ ڈیوائس اور ہائی ٹارک پارکنگ بریک کے ساتھ مضبوط ڈسک بریکس فراہم کیے ہیں۔ ٹکسن کا اگلا سسپنشن میک فرسن اسٹرٹ ہے اور پچھلے پہیوں میں ملٹی-لنک کی سپورٹ ہے۔ 

اس کے مقابلے میں ٹویوٹا فورچیونر G اگلے اور پچھلے پہیوں میں وینٹی لیٹڈ ڈسک بریکس سے لیس ہے۔ سسپنشن کے معاملے میں فرنٹ میں ڈبل-وِش بون سسپنشن اور پیچھے فور-لنک سسپنشن ہے۔ 

ایکسٹیریئر: 

ہیونڈائی ٹکسن hexagonal ریڈی ایٹر گرِل کے ساتھ بے باک اور جارحانہ صورت رکھتی ہے۔ اس گاڑی میں LED ہیڈلیمپس اور LED ڈے ٹائم رننگ لائٹس (DRLs) شامل کی گئی ہیں۔ ہیڈلیمپس کے نیچے کمپنی نے فوگ لیمپس بھی دیے ہیں۔ پچھلے حصے میں LED کمبی نیشن لیمپس کے علاوہ ریئر اسپائلرز کے ساتھ ایک ہائی ماؤنٹڈ بریک لیمپ بھی ہے۔ ہیونڈائی ٹکسن الائے رِمز کے ساتھ 225/55 R18 کے اسٹینڈرڈ ٹائر سائز میں آتی ہے۔ 

ٹویوٹا فورچیونر G ویسی ہی شکل و صورت رکھتی ہے کیونکہ اس کے ہائی گریڈ ماڈلز بلب-لیولنگ سسٹم کے ساتھ LED ہیڈلیمپس سے لیس آتے ہیں۔ ڈے ٹائم رننگ لائٹس (DRLs) بھی اس SUV میں LED فوگ لیمپس کے ساتھ موجود ہیں۔ ری-ٹریکٹ ایبل بیرونی مررز میں سائیڈ ٹرن سگنل بھی نصب ہیں۔ یہ ایک کروم فرنٹ ریڈی ایٹر گرِل رکھتی ہے اور آؤٹ ڈور ہینڈلز بھی کروم کوٹنگ کے ساتھ آتے ہیں۔ ٹیل لائٹس LED پر مبنی ہیں اور ہائی-ماؤنٹ اسٹاپ لیمپ بھی پچھلے حصے میں دیا گیا ہے۔ فورچیونر G کا ٹائر سائز 265/60 R18 ہے جو اس SUV میں بطور اسٹینڈرڈ آتا ہے۔

انٹیریئر: 

ہیونڈائی ٹکسن سیاہ رنگ کے انٹیریئر میں آتی ہے جبکہ انٹرنیشنل ماڈلز 2 رنگوں کے سرمئی یا دو رنگ رکھنے والے خاکی انٹیریئر میں آتی ہے۔ ٹکسن کی بلڈ کوالٹی بہت غیر معمولی ہے اور ایسا پہلی نظر میں ہی محسوس ہوتا ہے۔ جنوبی کوریائی آٹومیکر نے اس گاڑی کو سینٹرل لاکنگ سسٹم، پاور ونڈوز، اور متعدد کنٹرولز وغیرہ کے ساتھ پیش کیا ہے۔ اس کے علاوہ کراس اوور ایک مکمل آٹومیٹڈ ایئر کنڈیشننگ سسٹم اور ایک کُولڈ گلَو باکس کے ساتھ بھی آتی ہے۔

ٹویوٹا فورچیونر G چمڑے کی نشستوں کے ساتھ ایک خوبصورت سیاہ رنگ کا انٹیریئر رکھتی ہے۔ یہ SUV لگژری فیچرز جیسا کہ پاور ڈور لاکنگ سسٹم، اسمارٹ انٹری، پُش اسٹارٹ سسٹم، آٹوکلائمٹ کنٹرول AC سسٹم اور 9-انچ کی ٹچ اسکرین انٹرٹینمنٹ سسٹم کی حامل ہے۔

سیفٹی فیچرز: 

ہیونڈائی اپنی کراس اوور SUV ٹکسن مختلف سیفٹی فیچرز کے ساتھ پیش کرتی ہے جیسا کہ الیکٹرک پارکنگ بریک (EPB)، الیکٹرانک اسٹیبلٹی کنٹرول (ESC)، بلائنڈ اسپاٹ ڈِٹیکشن (BSD)، ہِل اسٹارٹ اسسٹ کنٹرول (HAC) وغیرہ۔ ان جدید فیچرز کے ساتھ یہ گاڑی ایئربیگز اور فرنٹ اور ریئر سائیڈ سیٹ بیلٹس سے بھی لیس ہے۔ 

ٹویوٹا فورچیونر سیفٹی فیچر کے طور پر G وہیکل اسٹیبلٹی کنٹرول (VSC)، ہِل اسٹارٹ کنٹرول سسٹم، ایمرجنسی بریک سگنل، شفٹ لاک سسٹم اور اموبیلائزر پیش کرتی ہے۔ دیگر سیفٹی فیچرز میں ایئر بیگز اور تمام قطاروں کے لیے سیٹ بیلٹس شامل ہیں۔

قیمت: 

ہیونڈائی ٹکسن کی قیمت ابھی ظاہر نہیں کی گئی جبکہ دوسری جانب ٹویوٹا انڈس نے مقامی مارکیٹ میں فورچیونر کا G ویرینٹ 72,99,000 روپے میں پیش کیا ہے۔ ٹکسن کی قیمت دیکھنا دلچسپ ہوگا کیونکہ ہیونڈائی کو مقامی مارکیٹ میں زندہ رہنے کے لیے ایک مقابلہ کرنے والے قیمت دینا ہوگی۔ 

اپنے خیالات نیچے تبصروں میں پیش کیجیے اور مزید ایسے ہی تقابل کے لیے پاک ویلز بلاگ پر آئيے۔