دیوان موٹرز جو کہ ایکو گرین موٹرز کا حصہ ہے، نے گزشتہ ماہ اپنی الیکٹرک گاڑی Honri Ve کی مقامی پیداوار کا اعلان کیا۔ کمپنی کے ایک عہدیدار نے PakWheels کو بتایا کہ انہیں Honri Ve 2.0 اور 3.0 کی تیاری کے لیے مینوفیکچرنگ سرٹیفکیٹ مل گیا ہے۔ انہوں نے مزید انکشاف کیا کہ یہ پاکستان میں الیکٹرک گاڑیوں کی مقامی اسمبلی کے لیے EDB کی طرف سے جاری کیا گیا پہلا مینوفیکچرنگ سرٹیفکیٹ ہے۔
پھر 24 ستمبر کو کمپنی نے اس الیکٹرک گاڑی کا پہلا مقامی طور پر تیار کیا گیا یونٹ متعارف کرایا۔ رپورٹس کے مطابق یونٹ اسمبلی لائن سے نکالا گیا تھا اور اب اس مقامی طور پر اسمبل شدہ الیکٹرک گاڑی کے بارے میں ایک نیا اپ ڈیٹ آیا ہے۔ ایسا لگتا ہے کہ Eco-Green نے ملک بھر میں اپنی ڈیلرشپس کو گاڑیوں کی فراہمی شروع کر دی ہے۔ سوشل میڈیا پر سامنے آنے والی کچھ تصاویر میں دکھایا گیا ہے کہ ایک کار کنٹینر فیکٹری سے، جو کہ کراچی کے سجاول پلانٹ میں واقع ہے، ڈیلرشپس تک Honri Ve کے کچھ یونٹس لے کر جا رہا ہے۔
اس کے علاوہ کمپنی نے پہلے پاکستان میں Honri Ve 2.0 متعارف کرائی۔ پھر، جون 2024 میں، دوسرا ویرینٹ Honri Ve 3.0 منظر عام پر آیا۔ ذیل مین ان گاڑیوں کے فیچرز اور دیگر خصوصیات دی گئی ہیں۔
ہونری وی 2.0 (فیچرز اور خصوصیات)
ہونری وی ٹرنری لیتھیم بیٹری اور پرمنینٹ سنکرونس موٹر کے ساتھ آتی ہے جو 30 کلو واٹ کی زیادہ سے زیادہ پاور اور 84 نیوٹن میٹر ٹارک کے ساتھ 100 کلومیٹر فی گھنٹہ کی زیادہ سے زیادہ رفتار فراہم کرتی ہے۔ مزید برآں، اس کار کی چارجنگ ٹائم سات گھنٹے ہے اور فی چارج 200 کلومیٹر کی رینج فراہم کرتی ہے۔
نئی الیکٹرک گاڑی کے فرنٹ میں ڈسک بریکس اور پیچھے ڈرم بریکس کے ساتھ 155/65/R15 سائز کے ٹائرز اور الائے رمز ہیں۔ اس کے علاوہ، اس میں رئیر سپائلر، ہیلوجن ہائیٹ ایڈجسٹ ایبل فرنٹ ہیڈلیمپس، انڈیکیٹرز کے ساتھ ڈوئل ٹون سائیڈ ویو مررز، کروم اور بلیک فرنٹ گرِل، اور ڈی آر ایل بھی موجود ہیں۔
گاڑی کے انٹیریئر کی بات کریں تو یہاں الیکٹرک پاور سٹیئرنگ، نوب ٹائپ ٹرانسمیشن، ڈرائیور اور مسافر دونوں کے لئے 4-وے سیٹ ایڈجسٹمنٹ، ریئر ویو کیمرا، فرنٹ اور ریئر الیکٹرک ونڈوز، ریئر سیٹ فولڈنگ، 5 انچ کا کلر انسٹرومنٹ کلسٹر، 10.25 انچ انفوٹینمنٹ سکرین اینڈرائیڈ سسٹم جیسے فیچرز دئیے گئے ہیں۔
ہونری وی 3.0 (سٹائل، پاور اور پرفارمنس)
ہونری وی 3.0 ایک مرتبہ چارج کرنے پر 300 کلومیٹر تک کا سفر کر سکتی ہے ۔ گاڑی کو عام ڈومیسٹک چارجر سے مکمل طور چارج کرنے میں صرف 7 گھنٹے لگتے ہیں۔
گاڑی میں پرمنینٹ میگنیٹک سنکرونس موٹر دی گئی ہے جو 35 کلو واٹ کی پاور اور 87 نیوٹن میٹر کا ٹارک فراہم کرتی ہے جو 100 کلومیٹر فی گھنٹہ کی زیادہ سے زیادہ رفتار کے ساتھ آرام دہ ڈرائیونگ فراہم کرتی ہے۔ 29.9 کلو واٹ آور کی لیتھیم آئرن فاسفیٹ بیٹری اپنی پائیداری کے لئے مشہور ہے۔
گاڑی میں درج ذیل فیچرز بھی شامل ہیں:
- ریئر ویو کیمرا: پارکنگ اور تنگ جگہوں پر گاڑی چلانا آسان بناتا ہے۔
- ٹائر پریشر مانیٹرنگ سسٹم: اضافی حفاظت کے لئے آپ کو ٹائر کے مسائل سے آگاہ کرتا ہے۔
- 220V اے سی چارجنگ گن: گھر میں عام آؤٹ لیٹ کا استعمال کرتے ہوئے گاڑی کو آسانی سے چارج کریں۔
آپ ہونری وی 2.0 اور 3.0 کی مقامی پیداوار کے بارے میں کیا سوچتے ہیں؟ اگر آپ کے پاس ایک الیکٹرک ہیچ بیک خریدنے کا بجٹ ہو، تو کیا آپ ہونری وی کا انتخاب کریں گے؟ اپنی رائے کمنٹس سیکشن میں بتائیں۔
