توانائی کے عالمی بحران میں اضافے کے بعد دنیا بھر میں آٹوموبائل کمپنیاں الیکٹرک ٹیکنالوجی کی طرف مائل نظر آتی ہیں۔ جس کی وجہ سے اب انٹرنیشنل کار انڈسٹری میں الیکٹرک کاریں اور بائکس/سکوٹر کی جانب رجحان بڑھ رہا ہے۔
دوسری جانب جہاں پاکستان پیٹرولیم مصنوعات کی بلند ترین قیمتوں کیساتھ اپنے بدترین معاشی بحران سے گزر رہا ہے، مقامی کار اور بائیک کمپنیز الیکٹرک گاڑیوں اور بائکس کی طرف مائل نظر آتی ہیں۔
پچھلے نومبر میں، ہم نے آپ کو ہنڈا کے الیکٹرک سکوٹر BENLY e کے بارے میں مطلع کیا تھا۔ کمپنی نے شیخوپورہ میں ایک تقریب کے دوران محض ای سکوٹر کی رونمائی کی جس میں لانچ کی تاریخ اور قیمت کا تعین نہیں کیا گیا تھا۔
ایک حالیہ اپ ڈیٹ کے مطابق ہنڈا نے BENLY e کی لاہور میں رونمائی کی ہے اور اس دوران لاہور کے صارفین کو BENLY e کو ٹیسٹ رائیڈ کا موقع بھی دیا جہاں عوام نے سکوٹر کی ایک ہموار اور پرلطف ڈرائیو کا تجربہ بھی حاصل کیا۔
کیا BENLY e جلد آرہا ہے؟
پاکستان میں اس کے لانچ کے حوالے سے کوئی اپ ڈیٹ نہیں ہے، کیونکہ کمپنی نے اس سے متعلق کوئی معلومات شئیر نہیں کی ہیں۔ لہذا، ہمیں ابھی انتظار کرنا ہوگا اور جیسے ہی ہمیں کوئی اپ ڈیٹ ملے گی، قارئین کو اس بارے مطلع کریں گے۔
انٹرنیشنل فیچرز اور خصوصیات
ہںڈا بینلے ای کے نمایاں فیچرز اور خصوصیات میں 87 کلو میٹر رینج، 3 گھنٹے چارج ٹائم اور 45 کلومیٹر فی گھنٹہ کی ٹاپ سپیڈ شامل ہے۔ یہ کچھ انٹرنیشنل فیچرز ہیں کیونکہ اٹلس ہنڈا نے پاکستان کے لیے کوئی فیچرز اور خصوصیات ظاہر نہیں کیں۔ ہنڈا کے ایک موٹر سائیکل ڈیلر نے پاک ویلز کو بتایا کہ کمپنی نے ابھی تقریب میں موٹر سائیکل کا انکشاف کیا ہے۔ ایک اور ڈیلر نے ہمیں بتایا کہ یہ کمپنی کی طرف سے صرف ایک نمونہ تھا جس میں میں بتایا گیا ہے کہ کمپنی مارکیٹ میں کس طرح کا الیکٹرک سکوٹر لانچ کرے گی۔
