اِس سال SUV مارکیٹ بہت دلچسپ صورت اختیار کرنے جا رہی ہے کیونکہ ہمارے پاس ایسی معلومات ہیں کہ ٹویوٹا IMC پاکستان میں اپنی پہلی ہائبرڈ SUV پیش کر رہی ہے، جو کِیا اسپورٹیج کا اور مستقبل میں ہیونڈائی ٹکسن کا بھی مقابلہ کرے گی۔ اس وقت یہ پروڈکٹ دنیا میں کہیں دستیاب نہیں ہے۔ سب سے اچھی بات؟ یہ اِس سال دنیا بھر میں لانچ ہونے کے ساتھ ساتھ پاکستان میں لانچ کی جا رہی ہے!
جہاں کِیا اسپورٹیج اور ہیونڈائی ٹکسن 2.0L انجن رکھتی ہے، یہ نئی ہائبرڈ SUV ہمارے ذرائع کے مطابق 1.8L کے انجن کی حامل ہوگی؛ لیکن کیونکہ یہ ایک ہائبرڈ ماڈل ہے اس لیے یہ 2.4L انجن گنجائش کا آؤٹ پُٹ دے گی۔ نہ صرف یہ بلکہ یہ گاڑی مکمل ہائبرڈ ہوگی اور الیکٹرک وہیکل (EV) موڈ پر چلنے کے بھی قابل ہوگی۔ کیونکہ نئی ٹویوٹا SUV ایک ہائبرڈ گاڑی ہے اس لیے یہ ماحول دوست ہوگی اور ایندھن کی کھپت میں بھی صارفین کو فائدہ پہنچائے گی۔
ہائبرڈ گاڑی کی اہمیت کو سمجھنے کے لیے ہم نے 1.8L سوِک/گرینڈ کا تقابل 1.8L پرائیس کے ساتھ کیا۔ نتائج حیران کُن تھے! ہائبرڈ گاڑی کا استعمال کرکے بہت زیادہ ایندھن بچایا جا سکتا ہے، تقریباً 5,00,000 روپے کا! سمجھنے کے لیے نیچے دیا گیا ٹیبل دیکھیں:
ویسے اِس سال مارکیٹ میں متعارف کروائی گئی گاڑیوں کی تعداد حیرت انگیز ہے! ہیونڈائی ٹکسن کی متوقع لانچ کے ساتھ SUV کے شعبے میں مقابلہ ڈرامائی حد تک بڑھ جائے گا۔
ہمارے ذرائع کے مطابق شروعات میں یہ گاڑی Completely Built Unit یعنی CBU کے طور پر درآمد کی جائے گی؛ اور اس کی کامیابی کے بعد ہی امکان ہوگا کہ اسے مقامی طور پر اسمبل کیا جائے۔ یہ تو بہت ہی زبرست بات ہے کیونکہ اس سے نہ صرف گاڑی پاکستان میں آئے گی بلکہ اس کی ٹیکنالوجی اور تربیت بھی ساتھ ہوگی۔
ہم رواں سال اس SUV کی آمدکے حوالے سے کافی پُرجوش ہیں۔ ہمارے خیال میں ٹویوٹا کی نئی ہائبرڈ SUV اور کِیا اسپورٹیج، ہیونڈائی ٹکسن اور پروٹون X70 کے درمیان بہت زبردست مقابلہ ہوگا۔ ہم جلد ہی مزید معلومات پیش کریں گے، اس لیے آٹو سیکٹر کی تمام تر تازہ خبروں کے لیے PakWheels.com پر آتے رہیے۔
