اس آرٹیکل میں ہم کِیا سٹونک اور حال ہی میں لانچ ہونے والی نئی 1500 سی سی ہنڈا سٹی کے مابین تفصیلی موازنہ کریں گے۔ واضح رہے کہ یہ کِیا سٹونک کے غیر حتمی فیچرز اور خصوصیات ہیں۔ اس کے علاوہ یہ موازنہ دونوں گاڑیوں کے ٹاپ ویریںٹس کے مابین ہے۔
پیمائش
کِیا سٹونک کی لمبائی 163 انچ، چوڑائی 69 انچ، اونچائی 60 انچ اور وہیل بیس 102 انچ ہے۔ اس کے مقابلے میں سٹی کی لمبائی 175 انچ، چوڑائی 67 انچ جبکہ اونچائی 59 انچ جبکہ وہیل بیس 102 انچ ہے۔ پیمائش سے پتہ چلتا ہے کہ سٹی کے مقابلے میں سٹونک کی لمبائی میں کافی کم ہے جبکہ باقی پیمائشیں نسبتاً ملتی جلتی ہیں۔
انجن اور ٹرانسمشن
سب کومپیکٹ کراس اوور ایس یو وی سٹونک میں 1400 سی سی انجن دیا گیا ہے جو کہ 100 ہارس پاور اور 133Nm ٹارک پیدا کرنے کی صلاحیت رکھتا ہے۔ دوسری جانب ہنڈا سٹی میں 1500 سی سی i-VTEC انجن دیا گیا ہے جو 118 ہارس پاور اور 145Nm ٹارک پیدا کرتا ہے۔ اس موازنے سے پتہ چلتا ہے کہ سٹی میں بڑا اور طاقتور انجن دیا گیا ہے۔
اسی طرح اگر ٹرانسمشن کا موازنہ کیا جائے تو سٹونک میں 6 سپیڈ آٹومیٹک رکھتی ہے جبکہ سٹی میں CVT کی ساتھ آتی ہے۔ دونوں گاڑیوں میں فرنٹ وہیل ڈرائیو ڈرائیوٹرین دی گئی ہے۔
ایکسٹیرئیر
کِیا سٹونک میں متوقع طور پر ایل ای ڈی ہیڈ لیمپس اور ایل ای ڈی DRLs دئیے جائیں گے جبکہ سٹی میں 4 بیم ہیلوجن فرنٹ لائٹس، ہیلوجن فوگ لیمپس اور مربوط DRLs جیسے فیچرز موجود ہیں۔ اسی طرح سٹونک میں 16 انچ الائے ویلز جبکہ سٹی میں 15 انچ الائز دئیے گئے ہیں۔
دونوں گاڑیوں میں کی لیس انٹری کا فیچر بھی دیا گیا ہے۔
انٹیرئیر
سٹونک میں 8 انچ جبکہ ہنڈا سٹی میں 9 انچ کی ٹچ سکرین دی گئی ہے۔ کِیا سٹونک میں فیبرک سیٹس دی گئی ہیں جبکہ ہنڈا سٹی میں لیدر سٹس آفر کی گئی ہیں۔ اس کے علاوہ دونوں گاڑیوں میں آٹو سنگل زون کلائمیٹ کنٹرول، پش سٹارٹ اور کروز کنٹرول دیا گیا ہے۔ اس سیگمنٹ میں دونوں گاڑیاں برابر نظر آتی ہیں۔
سیفٹی
دونوں گاڑیوں میں ABS + EBD اور رئیر کیمرہ جیسے سیفٹی فیچرز پائے جاتے ہیں۔ اس کے علاوہ کِیا سٹونک میں 6 ائیر بیگز جبکہ سٹی میں 2 ائیر بیگز دئیے گئے ہیں۔ سٹونک میں ٹریکشن کنٹرول، ہِل اسسٹ، اسٹیبلٹی کنٹرول، ٹائر پریشر مانیٹرنگ سسٹم (TPMS) اور فرنٹ + ریئر پارکنگ سینسرز جیسی اضافی سیفٹی فیچرز موجود ہوں گے۔
قیمت
ہنڈا ایسپائر کی موجودہ قیمت 3174000 روپے ہے جبکہ امید کی جا رہی ہے کہ کِیا سٹونک کی قیمت 35 سے 40 لاکھ رکھی جائے گی۔
