محدود مدت کی آفر ختم – کِیا سٹونک کی قیمت میں 733000 روپے اضافہ
کِیا پاکستان کی جانب سے جاری کی گئی محدود مدت کی آفر ختم ہو گئی ہے، کمپنی نے اپنی سب کومپیکٹ کراس اوور ایس یو وی سٹونک کی قیمت میں 733000 روپے کا اضافہ کر دیا ہے۔ جس کے بعد گاڑی کی قیمت 4767000 روپے سے بڑھ کر 5550000 روپے ہو چکی ہے۔
خیال رہے کہ کمپنی نے اس سے قبل گاڑی کی قیمت میں 1500000 روپے کمی کا اعلان کیا تھا جس نے آٹوموٹو مارکیٹ میں کافی ہلچل مچا دی تھی۔ گاڑی کی قیمت میں یہ کمی ان لوگوں کے لیے ایک بہت بڑا جھٹکا تھا جنہوں نے سٹونک کو60 لاکھ روپے کی قیمت میں خریدا تھا۔
کِیا سٹونک کی بکنگ
اس سے قبل ایک بیان میں کِیا پاکستان نے اعلان کیا کہ کمپنی کو گاڑی کی قیمت میں محدود مدت کیلئے کمی کی آفر سے زبردست ردعمل ملا ہے۔ کمپنی نے کہا کہ مانگ ہماری توقع سے زیادہ ہونے کی وجہ سے ہمارے پاس بکنگ کو عارضی طور پر معطل کرنے کے سوا کوئی چارہ نہیں تھا۔
تاہم کِیا سٹونک ای ایکس کی بکنگ دوبارہ کھول دی گئی ہے۔ کمپنی کے مطابق:
- یکم جولائی 2024 سے تمام بکنگ دسمبر 2024 اور اس کے بعد کی ڈیلیوری سے لی جائے گی۔
- بکنگ صرف 2.5 ملین روپے کی جزوی ادائیگی کے ساتھ قبول کی جائے گی۔
- دسمبر 2024 اور جنوری 2025 کی ڈیلیوری کے لیے جزوی ادائیگی کے ساتھ آرڈرز کے لیے پرائس لاک ہو گا۔
- پرائس لاک امریکی ڈالر کے مقابلے میں روپے کی قدر میں کمی سے مشروط ہے (آج کی موجودہ شرح سے 2%) اور وفاقی یا صوبائی حکومتوں کی طرف سے درآمد کردہ ڈیوٹی، ٹیکسز اور لیویز میں کوئی بھی اضافہ ڈیلیوری کے وقت صارف کے ذریعے ادا کیا جائے گا۔
یہ دیکھنا دلچسپ ہوگا کہ آیا صارفین سٹونک کی بڑھتی ہوئی قیمت کے بعد بھی اسے خریدیں گے یا سوزوکی سوئفٹ اس گاڑی کو سخت مقابلہ دے گی کیونکہ سوئفٹ کا ٹاپ ویریئنٹس اب بھی 4719000 روپے میں آتا ہیں۔
سٹونک کی نظر ثانی شدہ قیمت کے بارے میں آپ کا کیا خیال ہے؟ کمنٹس سیکشن میں ہمیں بتائیں۔
