MG پاکستان کے نمائندے جاوید آفریدی ایک نئی اپڈیٹ کے ساتھ ایک بار پر منظر عام آئے ہیں۔ جاوید آفریدی نے اپنی ایک ٹویٹ میں کہا ہے کہ مقامی سطح پر تیار کردہ MG3، MG5 اور MG گلوسٹر جلد پاکستان آ رہی ہیں۔ جاوید آفریدی نے ٹی وی ہوسٹ فخرِ عالم کی ٹویٹ کو ری ٹویٹ کرتے ہوئے یہ بات کہی۔
فخرِ عالم نے پاکستان میں ایم جی پلانٹ کی ایک ویڈیو شیئر کی جس میں اسمبلی لائنیں دکھائی دے رہی ہیں۔ ٹویٹ میں فخرِ عالم نے لکھا کہ پاکستان میں ترقی دیکھ کر مجھے بہت خوشی ہوتی ہے۔ اچھے کاروبار روزگار کے مواقع اور دولت پیدا کرتے ہیں۔ ان کا مزید کہنا تھا کہ پلانٹ روزانہ 100 کاریں تیار کرے گا۔ انہوں نے کہا کہ کچھ کام میں تاخیر ہوئی لیکن اب پیداوار جاری ہے۔
MG3 ,MG5 & MG GLOSTER SOON IA. https://t.co/LojoXKqUY5
— Javed Afridi (@JAfridi10) March 7, 2022
یہ بات قابل ذکر ہے کہ ایم جی نے اب تک صرف درآمد کیے گئے سی بی یو یونٹس فروخت کیے ہیں۔ کمپنی کے مطابق اس نے پاکستان میں اب تک MG HS کے 10000 یونٹس فروخت کیے ہیں۔ تاہم سی بی یو یونٹس پر ریگولیٹری ڈیوٹی (RD) اور فیڈرل ایکسائز ڈیوٹی (FED) میں اضافے کے بعد ایم جی ایچ ایس کی قیمت 89 لاکھ روپے تک پہنچ چکی ہے۔
لہذا، مقامی طور پر گاڑیاں تیار کرنا ہی مارکیٹ میں کامیاب رہنے کا واحد راستہ ہے۔ ایم جی کے مداحوں کیلئے یہ ایک اچھی خبر ہے کہ کمپنی جلد ہی پاکستان میں تیار کردہ گاڑیاں لانچ کرنے کا منصوبہ بنا رہی ہے۔ اس سے نہ صرف کمپنی پر صارفین کا اعتماد بڑھے گا بلکہ فروخت کے بعد سروس اور اسپیئر پارٹس کی دستیابی میں بھی بہتری آئے گی۔
MG3، MG5 اور MG گلوسٹر کی مختصر تفصیلات
ہم اس سے قبل آپ کو اِن گاڑیوں کے بارے میں بتا چکے ہیں۔
MG3
MG3 ایک 1500 سی سی سب کمپیکٹ ہیچ بیک ہے۔ انٹرنیشنل مارکیٹ میں گاڑی کی سیکنڈ جنریشن دیکھنےکو ملتی ہے۔ MG3 میں 1500 سی سی انجن کیساتھ 5 سپیڈ مینوئل اور 4 سپیڈ آٹومیٹک ٹرانسمشن دی گئی ہے۔ گاڑی میں دئیے گئے فیچرز کی مختصر تفصیل یہ ہے:
- کروز کنٹرول
- 8 انچ ٹچ سکرین انفوٹینمنٹ سکرین
- رئیر پارکنگ سینسرز
- 6 ایئر بیگ
- ایمرجنسی بریکنگ اسِسٹنس
- ہِل ہولڈ کنٹرول
- ٹائر پریشر مانیٹرنگ سسٹم (TYPS)
MG5 (GT)
MG5 کو MG GT بھی کہا جاتا ہے۔ گاڑی میں 1500 سی سی نیچرلی ایسپائریٹڈ 16 والو انجن دیا گیا ہے جو 118 ہارس پاور اور 150Nm ٹارک پیدا کرنے کی صلاحیت رکھتا ہے۔ اس کے علاوہ گاڑی میں CVT ٹرانسمشن دی گئی ہے۔ گاڑی میں موجود فیچرز یہ ہیں:
- ایل ای ڈی ہیڈلائٹس
- 16 انچ الائے وہیل
- لیدر سیٹس
- 6 وے ایڈجسٹ ایبل ڈرائیور سیٹ
- 4 وے ایڈجسٹ ایبل فرنٹ پیسنجر سیٹس
- 1 انچ کی اینڈرائیڈ آٹو اور ایپ کار پلے اسکرین
- کروز کنٹرول
- ہِل اسٹارٹ اسسٹ
- الیکٹرانک بریک فورس ڈسٹری بیوشن (EBD)
- ٹائر پریشر مانیٹرنگ سسٹم (TPMS)
- اینٹی لاک بریک سسٹم (ABS)
- ایمرجنسی بریک اسسٹ (EBA)
- کروَ (curve) بریک کنٹرول
- ٹریکشن کنٹرول سسٹم
- ایئر بیگز
MG گلوسٹر
MG گلوسٹر ایک 7 سیٹر کراس اوور ایس یو وی ہے جس میں 2000 سی سی انج دیا گیا ہے جو 215 ہارس پاور اور 480Nm ٹارک پیدا کرتا ہے۔ گاڑی کے فیچرز کی مختصر تفصیل یہ ہے:
- 4 ایئر بیگز
- سن روف
- ٹِلٹ اور ٹیلی سکوپک سٹیئرنگ
- 19 انچ الائے ویلز
- 8-اسپیڈ ٹرانسمشن
- ریئر اے سی وینٹ کے ساتھ سنگل زون مینوئل اے سی
- کروز کنٹرول
- فرنٹ + ریئر پارکنگ سینسرز
- ایل ای ڈی ہیڈ لیمپس، ڈی آر ایل
- فالو می ہیڈ لیمپس
خیال رہے کہ یہ انٹرنیشنل ماڈلز کے فیچرز ہیں۔ ممکن ہے کہ مقامی طور پر تیار کردہ یونٹس میں مختلف فیچرز دئیے جائیں۔
کیا آپ کو لگتا ہے کہ ایم جی جلد ہی مقامی طور پر اسمبل شدہ کاریں لانچ کرے گا؟ نیچے دئیے گئے کمنٹس سیکشن میں اپنی رائے کا اظہار کریں۔
