ملک کی سب سے پہلی الیکٹرک کار’ZS’ اور اپنی مشہور ایس یو وی ‘HS’ ویریئنٹ کو پاکستان لانے والی ایم جی پاکستان اب الیکٹرک گاڑیوں کے شوقین افراد کے لیے ایک اور دلچسپ اپ ڈیٹ لائی ہے۔ کمپنی نے باضابطہ طور پر پاکستان میں MG 4 EV کی رونمائی کر دی ہے۔
دلچسپ بات یہ ہے کہ ایم جی 4 ای وی کو جون 2023 میں لانچ کیا گیا تھا اور اس بار ایم جی پاکستان نے کراچی میں منعقد کی گئی ایک تقریب کے دوران گاڑی کی رونمائی کی ہے۔ جس کے بعد اب یہ گاڑی ملک کی تمام ڈیلرشپس پر موجود ہو گی۔
ایم جی 4 ای وی کے فیچرز اور خصوصیات ذکر ذیل میں تفصیل سے بیان کیے گئے ہیں۔
ایم جی 4
ایم جی 4 ای وی پاکستان میں اپنے نئے سفر کے آغاز کیلئے مکمل طور پر تیار ہے۔ اپنے بہترین اسٹائل، ڈیزائن اور ماحول دوست ہونے کے ساتھ یہ ڈرائیونگ کا اچھا تجربے دے سکتی ہے۔
ایکسٹیرئیر
ایم جی 4 ای وی میں چھ دلکش رنگوں کا آپشن دیا گیا ہے۔ جس میں بالکل نیا ولکینو اورنج رنگ بھی شامل ہے۔ اس کا ایکٹیو گرل سسٹم بیٹری رینج کو بڑھانے کے لیے زیادہ سے زیادہ ہوا کے بہاؤ کو یقینی بناتا ہے۔ اس کے علاوہ منتخب ماڈلز میں 2 ٹون بلیک روف اور ٹوئن ایرو ریئر سپوئلر بھی شامل ہیں۔
انٹیرئیر
گاڑی کے انٹیرئیر کی بات کریں تو اس کی پتلی بیٹری اور لمبی وہیل بیس کی بدولت کافی ہیڈ روم اور لیگ روم کے ساتھ ایک کشادہ انٹیرئیر ملے گا۔ گاڑی میں 10.25 انچ کا ٹچ سکرین انفوٹینمنٹ سسٹم ایپل کار پلے اور اینڈرائید آٹو جیسے فیچرز دئیے گئے ہیں۔ فلوٹنگ کنسول پر ایک وائرلیس چارجنگ پیڈ ماڈرن انٹیرئیر کو ظاہر کرتا ہے۔
ایم جی پائلٹ
ایم جی پائلٹ، ایڈوانسڈ ڈرائیور اسسٹنس سسٹم گاڑی میں موجود سیفٹی سسٹم کو مزید بہتر بنانے کیلئے کافی ہے۔ اس میں ایکٹیو ایمرجنسی بریکنگ، لین کیپ اسسٹ، اڈاپٹیو کروز کنٹرول جیسی بہت سی خصوصیات شامل ہیں۔ اس کے علاوہ گاڑی میں بلائنڈ سپاٹ ڈیٹیکشن اور لین چینج اسسٹ جیسے سسٹمز بھی موجود ہیں۔
فاسٹ چارجنگ
ایم جی کی یہ گاڑی صرف 35 منٹ 10 فیصد سے 80 فیصد تک چارج ہونے کی صلاحیت رکھتی ہے۔ اگرچہ دیگر الیکٹرک گاڑیوں کا چارجنگ ٹائم مختلف ہو سکتا ہے ہے اس گاڑی کا چارجنگ ٹائم کافی بہتر ہے۔
رینج
گاڑی کی رینج فی چارج 323 میل تک ہے جو کہ کافی متاثر کن ہے۔ اس کے علاوہ اگر آپ ٹرافی لانگ رینج ماڈل کا انتخاب کرتے ہیں تو اور آپ 360° پارکنگ کیمرہ، ہیٹڈ سیٹس اور مزید بہت سے فیچرز سے لطف اندوز ہوں گے۔
قیمت
ایکسائیٹ ویرینٹ کی قیمت 10999000 روپے ہے جبکہ ایسنس ویرینٹ کی قیمت 12990000 روپے ہے۔
