پاکستانی آٹو مارکیٹ میں ٹویوٹا کرولا کی قیمت سے متعلق متعدد قیاس آرائیاں سننے کو مل رہی ہیں کیونکہ کمپنی آفیشلز اور ویب سائٹ پر دی جانے والی معلومات میں تضاد پایا جاتا ہے۔
ٹویوٹا پاکستان کی ویب سائٹ پر دی گئی نئی قیمت
آج ٹویوٹا پاکستان کی ویب سائیٹ پر ٹویوٹا کرولا اور ٹویوٹا یارس کی نئی قیمتیں اپ ڈیٹ کی گئیں۔ جس کے مطابق کرولا کی قیمت میں تقریبا 6 لاکھ جبکہ یارس کی قیمت تقریبا 3 لاکھ روپے اضافہ دکھایا گیا۔
یعنی کہ ٹویوٹا کرولا آلٹس گرینڈی (بلیک انٹیرئیر) کی قیمت 4899000 روپے ہے جبکہ ویب سائیٹ پر اپ ڈیٹ کی گئی قیمت 5479000 روپے لکھی گئی تھی۔ دریں اثنا، ٹویوٹا یارس ATIV X CVT 1.5L کی قیمت 3659000 روپے ہے جبکہ ویب سائٹ پر دی گئی نئی قیمت 4059000 روپے تھی۔ ٹویوٹا کی ویب سائٹ سے لیے گئے سکرین شاٹس ذیل میں دئیے گئے ہیں۔
مختصراً، ٹویوٹا کی ویب سائٹ کے اِن سکرین شاٹس میں ٹویوٹا اور یارس کی نئی قیمتیں دیکھی جا سکتی ہیں، لیکن کہانی یہاں ختم نہیں ہوتی۔
ٹویوٹا آفیشل کا بیان
اس بارے مزید تصدیق کے لیے ہم نے ٹویوٹا پاکستان سے رابطہ کیا۔ کمپنی آفیشلز نے اس خبر کو مسترد کرتے ہوئے کہا کہ ہم نے قیمتوں میں اضافہ نہیں کیا ہے۔ انہوں نے مزید کہا کہ ایجنسی پلیس ہولڈر کی قیمتوں کا انتظام کر رہی تھی، قیمتوں میں نہیں کیا گیا۔
دوسری جانب ہم آنے والے کچھ دنوں میں قیمتوں میں اضافے کی توقع کر سکتے ہیں، کیونکہ حکومت کی طرف سے کاروں پر ودہولڈنگ ٹیکس اور کیپٹل ویلیو ٹیکس (CVT) نافذ کیا گیا ہے۔ مزید برآں، ڈالر کے مقابلے میں روپے کی قدر میں بھی مسلسل کمی دیکھنے کو مل رہی ہے، فریٹ چارجز اور پیٹرول کی قیمتیں بھی بڑھ رہی ہیں۔ سب سے بڑھ کر سٹیٹ بینک سی کے ڈی کٹس کی درآمد کے لیے ایل سی جاری نہیں کر رہا ہے۔
لہذا، صرف ٹویوٹا ہی نہیں بلکہ دیگر کمپنیاں بھی اپنی گاڑیوں کی قیمتوں میں اضافہ کریں گی۔
اس سارے منظر نامے کے بارے میں آپ کی کیا رائے ہے؟ کیا ہمیں آنے والے دنوں میں قیمتوں میں ایک اور اضافے کی توقع کرنی چاہئے؟ کمنٹس سیکشن میں اپنے خیالات کا اظہار کریں۔
