نیسان 400Z فیئرلیڈی نیسان کی مشہور Z سیریز کی ایک نئی کڑی ہے جو 1960 کی دہائی سے چلی آ رہی ہے۔ یہ کار اپنی سپورٹی شکل اور کارکردگی کی وجہ سے جانی جاتی ہے۔ پاکستان میں منفرد JDM کاریں لانے کی وجہ سے مشہور سکندر نے اس فیئرلیڈی کو ان شوقین افراد کے لیے پیش کیا ہے جو ایک سپورٹس کار چلانے کا مزہ لینا چاہتے ہیں۔
400Z فیئرلیڈی (2024 ماڈل) کو یکم اگست 2023 کو جاپان میں باضابطہ طور پر لانچ کیا گیا۔ اس کے علاوہ اس گاڑی کے نِزمو اور کسٹمائزڈ ایڈیشن جیسے مختلف ویریئنٹس شامل ہیں۔ نِزمو ویرینٹ کی بہتر پاور اور کارکردگی ہی اس کی ایک خاص بات تھی، جو 420 ہارس پاور کے ساتھ ایک سنسنی خیز ڈرائیونگ تجربہ فراہم کرتی ہے۔ مزید برآں، نیسان اکتوبر 2024 میں ٹوکیو آٹو سیلون 2023 سے متاثرہ باڈی کٹ کے ساتھ ایک کسٹمائزڈ ایڈیشن بھی جاری کرے گا۔
انجن
اس گاڑی میں 3.0 لیٹر ٹوئن ٹربو V6 انجن دیا گیا ہے جو 400 ہارس پاور اور 350 lb-ft ٹارک پیدا کرتا ہے۔ یہ کار تیز رفتار 9 سپیڈ آٹومیٹک ٹرانسمیشن کے ساتھ آتی ہے جو کہ روایتی شوقینوں کو پسند آئے گا۔
ایکسٹیرئیر ڈیزائن
گاڑی پر ایک نظر ڈالنے سے واضح ہوتا ہے کہ یہ گاڑی Z فیملی کا ورثہ ہے۔ اس کے ڈیزائن میں اس کے پیش رو، جیسے 240Z، کی جھلک موجود ہے، جبکہ جدید ٹچ اسے تیز اور مزید جارحانہ بناتا ہے۔ بولڈ LED ہیڈلیمپس اور رئیر کلاسک فیئرلیڈی Z کا بیج اس کی دلکشی میں اضافہ کرتا ہے، جبکہ 19 انچ کے فورجڈ الائے ویلز، سیرامک بریکس گاڑی کی کارکردگی کو ظاہر کرتے ہیں۔ مزید برآں، رئیر پروفائل میں دیا گیا لاوا لیمپ، ڈفیوزر بمپر اور ڈوئل ایگزاسٹ سسٹم ایک کلاسک انداز پیش کرتا ہے۔
گاڑی میں ایڈاپٹیو کروز کنٹرول، کولیژن مٹیگیشن، بلائنڈ سپاٹ مانیٹرنگ، اور لین کیپنگ کے ساتھ، یہ گاڑی ٹویوٹا سپرا MK5 اورGT500 کو سخت مقابلہ دیتی ہے، جبکہ اس کی قیمت 6.45 ملین روپے ہے۔
ویڈیو دیکھیں
