دبئی کی ایک نمبر پلیٹ “AA 13” گزشتہ ہفتے کے آخر میں ایک نیلامی میں 4.4 ملین درہم (1.2 ملین امریکی ڈالر) میں فروخت ہوئی۔ خیال رہے کہ 4.4 ملین درہم پاکستانی روپے میں 29 کروڑ روپے بنتے ہیں، جو کہ کافی حیران کن ہے۔
میڈیا رپورٹس کے مطابق دبئی کی روڈز اینڈ ٹرانسپورٹ اتھارٹی نے مخصوص نمبر پلیٹس کی فروخت کے لیے گرینڈ حیات دبئی ہوٹل میں نیلامی کا انعقاد کیا۔ “AA 13” رجسٹریشن نمبر پلیٹ مخصوص گاڑیوں کی نمبر پلیٹوں کے لیے اس 110ویں کھلی نیلامی کے دوران فروخت ہونے والی سب سے مہنگی چیز تھی۔
اس دوران ٹرانسپورٹ اتھارٹی نے نیلامی سے 37.328 ملین درہم کمائے۔
اس کے علاوہ دیگر نمبر پلیٹس بھی بھی مہنگے داموں فروخت ہوئیں۔ جن میں 3 ملین درہم میں فروخت ہونے والی “U 70” نمبر پلیٹ بھی شامل تھی۔ پلیٹ نمبر “Z 1000” 2.21 ملین درہم جبکہ نمبر پلیٹ 1.26 “V 9999” ملین درہم میں فروخت ہوئی۔
The proceeds of the 110th Open Auction for Distinctive Vehicle Number Plates held by #RTA held at Grand Hyatt #Dubai Hotel on Saturday 17th September amounted to AED37.328 million. https://t.co/6pqh6VIL3f pic.twitter.com/NbZjRv56vY
— RTA (@rta_dubai) September 18, 2022
ٹرانسپورٹ اتھارٹی نے نیلامی میں بولی کے لیے 90 پلیٹیں پیش کیں۔ پلیٹوں میں حروف تہجی (AA-J-K-L-M-N-O-P-Q-R-S-T-U-V-W-X-Y-Z) کے ساتھ دو، تین اور پانچ ہندسوں پر مشتمل تھا۔
2020 میں، پلیٹ “V 12” کو 7 ملین درہم میں نیلام کیا گیا۔ یہ مخصوص نمبر پلیٹیں متحدہ عرب امارات میں کاروں کے شوقین افراد کی بڑی دلچسپی کے تحت بیچی جاتی ہیں۔ یہی وجہ ہے کہ ان نیلامیوں کے دوران بھاری رقم خرچ ہوتی ہے۔
2016 میں، ایک بھارتی تاجر نے پلیٹ نمبر “D 5” کے لیے 33 ملین درہم ادا کیے، جسے عالمی سطح پر ریکارڈ کی سب سے مہنگی فروخت سمجھا جاتا ہے۔
نمبر پلیٹ پر اتنی بڑی رقم خرچ کرنے پر آپ کا کیا خیال ہے؟ کمنٹس سیکشن میں اپنے خیالات کا اظہار کریں۔
