اس آرٹیکل میں ہم کِیا سپورٹیج کا موازنہ اوشان X7 فیوچرسینس کے ساتھ کریں گے۔ واضح رہے کہ یہ موازنہ ٹاپ آف دی لائن ویرینٹس کے درمیان کیا جا رہا ہے۔
سائز
اوشان X7 کی لمبائی 4730 ملی میٹر، چوڑائی 1870 ملی میٹر اور اونچائی 1720 ملی میٹر ہے جبکہ کِیا سپورٹیج کی لمبائی 4485 ملی میٹر، چوڑائی 1855 ملی میٹر اور اونچائی 1635 ملی میٹر ہے۔ دونوں گاڑیاں 5 سیٹر ہیں جبکہ اوشان X7 سی پلس جبکہ سپورٹیج سی مائنس سیگمنٹ کراس اوور ایس یو وی ہے۔
انجن
اوشان X7 میں 1500 سی سی TGDI Euro-6 انجن دیا گیا ہے جو 185 ہارس پاور اور 300Nmٹارک پیدا کرتا ہے جبکہ سپورٹیج میں 2000 سی سی MPi انجن دیا گیا ہے جو 155 ہارس پاور اور 196Nm ٹارک پیدا کرتا ہے۔ یعنی اوشان X7 سپورٹیج کی نسبت کافی طاقتور ہے۔
اگر ہم ٹرانسمیشنز کے بارے میں بات کریں، تو اوشان X7 میں 7 سپیڈ ڈی سی ٹی آٹو ٹرانسمشن دی گئی ہے جبکہ سپورٹیج میں 6 سپیڈ آٹومیٹک ٹرانسمشن کے ساتھ آتی ہے۔ مزید برآں، X7 فرنٹ وہیل ڈرائیو (FWD) ہے جبکہ سپورٹیج AWD ہے۔ چنگان اوشان میں 4 ڈرائیو موڈز ہیں۔ جن میں ایکو، کمفرٹ، سپورٹ اور کسٹم موڈز شامل ہیں جبکہ سپورٹیج میں تین موڈز (نارمل، ایکو، سپورٹ) نظر آتے ہیں۔ اس کے علاوہ اوشان X7 فیوچرسینس میں سٹارٹ/سٹاپ ٹیکنالوجی بھی دی گئی ہے جو سپورٹیج میں نظر نہیں آتی۔
ایکسٹیرئیر
اوشان X7 میں ہیڈلائٹس بائی بیم پروجیکٹر ہیں جبکہ سپورٹیج میں بائی بیم پروجیکٹر ہیں۔ دریں اثنا، دونوں گاڑیوں میں ایل ای ڈی DRLs ہیں۔ سائیڈ پروفائل کی بات کریں تو یہاں آپ کو الیکٹرانکلی ایڈجسٹ ایبل اور ہیٹِڈ سائیڈ ویو مِررز ملیں گے۔ اس کے علاوہ دونوں کاروں میں پَاورڈ ٹرنک، سمارٹ کی، ٹرنک اوپنر اور پینورامک سن روف بھی ملتے ہیں۔
اگر ہم الائے ویلز کا موازنہ کریں، تو X7 میں 19 انچ جبکہ سپورٹیج AWD میں 18 انچ کے الائے ویلز ہیں۔
انٹیرئیر
سپورٹیج میں سادہ لیدر سیٹس ہیں جبکہ اوشان X7 میں سیٹنگ میٹریل FAUX پرفوریٹِڈ لیدر ہے۔ اوشان X7میں ڈرائیونگ سیٹ 6 وے پاورڈ ہے جبکہ سپورٹیج میں 10 وے میں پاورڈ ہے۔ اسی طرح اوشان میں پیسنجر سیٹ 6 وے پاورڈ ہے جبکہ سپورٹیج میں 6 وے مینوئل ہے۔
اوشان میں ڈرائیور اور پیسنجر سیٹس ہیٹیڈ اور وینٹی لیٹِڈ ہیں جبکہ سپورٹیج میں یہ فیچر موجود نہیں ہے۔ اوشان میں AC سنگل کلائمیٹ کنٹرول ہے جبکہ سپورٹیج میں آٹو ڈوئل کلائمیٹ کنٹرول ہے۔ دونوں گاڑیوں میں ریئر AC وینٹس دئیے گئے ہیں۔
X7 میں میٹر کلسٹر کا سائز 7 انچ ڈیجیٹل LCD ہے جبکہ سپورٹیج میں 3.5 انچ TFT LCD نظر آتی ہے۔ اوشان X7 میں 10.25 انچ کی انفوٹینمنٹ ٹچ اسکرین دی گئی ہے جبکہ سپورٹیج میں 8 انچ وائرلیس اینڈرائیڈ آٹو ہے۔
سیفٹی اور کمفرٹ
اوشان X7 میں 4 ایئر بیگز ہیں جبکہ سپورٹیج میں صرف 2 ائیربیگز ہیں۔ اسی طرح اوشان X7میں ایڈاپٹیو کروز کنٹرول ہے جبکہ سپورٹیج میں سٹینڈرڈ ہے۔ دونوں گاڑیوں میں بہت سے مشترکہ سیفٹی فیچرز بھی ہیں۔ جن میں ہِل ہولڈ اور ڈیسنٹ، ABS + EBD+ BA، ٹریکشن کنٹرول، الیکٹرانک اسٹیبلٹی پروگرام، اموبلائزر اور فرنٹ اور رئیر پارکنگ سینسرزشامل ہیں۔
اوشان X7 فیوچرسینس میں ڈیجیٹل ویڈیو ریکارڈر، سمارٹ پروکسیمٹی اِنٹری، آن بورڈ ڈائیگنوسٹک سسٹم اور ٹائر پریشر مانیٹرنگ سسٹم (TPMS) اضافی فیچرز کے طور پر موجود ہیں۔
اس کے علاوہ اوشان X7 میں 360 ڈگری کیمرہ جبکہ سپورٹیج میں ڈائنامِک گائیڈلائنز کے ساتھ رئیر کیمرہ دیا گیا ہے۔
قیمت
اوشان X7 فیوچرسینس کی ابتدائی قیمت 5950000 روپے ہے جبکہ سپورٹیج AWD کی قیمت 6000000 روپے ہے۔
