قیمتوں میں اضافے کے بعد اب کار کمپنیز کی جانب سے پروڈکشن بند کرنے کے اعلانات کا سلسلہ شروع ہو چکا ہے۔ پاکستان سوزوکی موٹر کمپنی نے پاکستان میں اپنی پروڈکشن بند کرنے کا اعلان کر دیا ہے۔ یعنی معاشی مسائل میں اضافے اور انوینٹری کی کمی کے باعث کمپنی نے یہ اعلان کیا ہے۔
کمپنی کی جانب سے جاری کردہ حالیہ نوٹیفکیشن کے مطابق 20 فروری 2023 سے 21 فروری تک کوئی پروڈکشن اور اسمبلی آپریشن نہیں ہوگا اور اس کی وجہ یہ ہے کہ سٹیٹ بینک آف پاکستان کی طرف سے عائد درآمدی پابندیوں کے پیش نظر انوینٹری کی کمی ہے۔
اس کے برعکس کمپنی اپنی موٹر سائیکلوں کی پیداوار جاری رکھے گی، اور پلان میں کسی بھی تبدیلی کی اطلاع اسی کے مطابق دی جائے گی۔ اس سے قبل پاک سوزوکی نے بھی اسی وجہ کا حوالہ دیتے ہوئے 10 غیر پیداواری کا اعلان کیا تھا۔
گزشتہ ماہ پاک سوزوکی نے صرف 44 آلٹو بیچیں
پاکستان میں سب سے زیادہ گاڑیاں بیچنے والی کمپنی سوزوکی پاکستان انتہائی بدحالی کا شکار ہے۔ پاما رپورٹ کے مطابق کمپنی نے گزشتہ مای صرف 44 آلٹو فروخت کی ہیں۔ خیال رہے کہ یہ کمپنی کی سب سے کم ترین سیل ہے۔
اس کے علاوہ کمپنی نے گزشتہ ماہ سیلز میں 74 فیصد کمی دیکھی ہے۔ کمپنے نے جنوری میں 2964 گاڑیاں فروخت کیں جبکہ دسمبر میں یہ تعداد 11342 تھی۔ خیال رہے کہ سوزوکی گزشتہ 2 سال سے ہر ماہ 5 ہزار تک گاڑیاں فروخت کرتی آئی ہے۔
اسی طرح دیگر کار کمپنیز ہنڈا اور ٹویوٹا کا بھی یہی حال ہے کیونکہ ان کی سیلز میں بھی خاطر خواہ کمی دیکھنے کو ملی ہے۔
پاکستان سوزوکی موٹر کمپنی نے آلٹو کے 44 یونٹس، سوزوکی کلٹس کے 534 یونٹس، سوزوکی ویگن آر کے 671 یونٹس، سوزوکی سوئفٹ کے 504 یونٹس، سوزوکی بولان کے 556 یونٹس، اور سوزوکی راوی کے 628 یونٹس فروخت کیے۔
