پاکستان کی آٹو انڈسٹری اب بھی مشکلات کا شکار ہے۔ گاڑیوں کی سیلز میں کمی، پیداوار کی بندش اور ٹیکسوں میں اضافے نے مقامی کار ساز اداروں کو تباہ کر دیا ہے۔ یہی صورتحال پاکستان سوزوکی موٹر کمپنی (PSMC) کی ہے۔ کمپنی کو 2023 میں کئی چیلنجز کا سامنا کرنا پڑا ہے، جس کی وجہ سے کمپنی کو 10 ارب روپے کے بڑے نقصان کا سامنا کرنا پڑا ہے۔
اس بھاری نقصان کے پیچھے بنیادی طور پر سیلز میں زبردست کمی اور ٹیکس میں بڑا اضافہ تھا جیسا کہ کمپنی کی جانب سے جاری کیے گئے سال کے مالیاتی نتائج میں بتایا گیا ہے۔
گزشتہ سال کمپنی کی سیلز میں بڑی کمی دیکھی گئی جس کی وجہ سے نیٹ سیلز ریونیو میں پچھلے سال کی نسبت تقریباً 50 فیصد کمی کے ساتھ 101.11 بلین رہا۔ کمپنی نے اس کمی کی وجہ انوینٹری کی کمی کی وجہ سے سال کے زیادہ تر وقت تک غیر فعال رہنے کو قرار دیا۔
اس کے علاو سیلز میں کمی کے باوجود کمپنی اپنے مجموعی منافع کو بڑھا کر 17 ارب روپے تک پہنچانے میں کامیاب رہی جو کہ گزشتہ سال کی اسی مدت میں 11.68 بلین تھا۔ یہ بہتری 2022 میں 5.77 فیصد کے مقابلے میں 16.91 فیصد کے بہتر منافع کا باعث بنی۔
تاہم، کمپنی کو اخراجات میں کافی اضافہ کا سامنا کرنا پڑا۔ انتظامی اخراجات 31 فیصد سے بڑھ کر 3.89 ارب روپے ہو گئے جبکہ دیگر اخراجات بڑھ کر 2 ارب تک پہنچ گئے جو کہ پچھلے سال تقریبا 9 ارب روپے تھا۔
ان چیلنجوں کے باوجود کمپنی نے 113.49 ملین روپے کا ٹیکس قبل از منافع حاصل کیا۔ تاہم تقریبا 10 ارب روپے کے بھاری ٹیکسز نے منافع کو شدید متاثر کیا ہے۔
گزشتہ ماہ گاڑیوں کی قیمتوں میں 8 فیصد کمی
ایک سے دو ماہ تک بہتری کے بعد گاڑیوں کی سیلز میں ایک بار پھر کمی دیکھنے کو ملی ہے۔ پاکستان آٹو موٹیو مینوفیکچررز ایسوسی ایشن (PAMA) کی تازہ ترین رپورٹ کے مطابق کاروں کی ماہانہ سیلز میں نمایاں 8 فیصد کمی واقع ہوئی ہے۔ رپورٹ کے مطابق جنوری 2023 میں 10536 گاڑیوں کے مقابلے فروری 2024 میں 9709 یونٹس فروخت ہوئے۔
تاہم، سالانہ سیلز میں 57 فیصد کا زبردست اضافہ ہوا ہے۔ کار مینوفیکچررز نے گزشتہ سال اسی عرصے کے دوران 6186 کاریں فروخت کیں۔
بائکس اور رکشوں کی سیلز
اسی طرح بائکس اور رکشوں کی فروخت میں 10 فیصد کی نمایاں کمی ہوئی، جو کہ جنوری 2024 میں فروخت ہونے والے 104619 یونٹس کے مقابلے میں گزشتہ ماہ 93764 یونٹس تک پہنچ گئی۔ ہنڈا بائکس کی سیلز میں 11 فیصد کمی دیکھی گئی ہے جو جنوری 2024 میں 92041 یونٹس کے مقابلے میں گزشتہ ماہ 82104 دیکھی گئی ہے۔
