پاکستان میں پیٹرول کی قیمت میں حکومت پاکستان کی طرف سے 31 اگست 2023 کو 14.91 روپے فی لیٹر اضافہ کر دیا گیا ہے۔ اس تازہ ترین اضافے کے بعد پیٹرول کی نئی قیمت 290.45 روپے سے بڑھ کر 305.36 روپے فی لیٹر ہو گئی ہے۔ دریں اثنا، ہائی سپیڈ ڈیزل کی قیمت (HSD) کی قیمت میں 18.44 فی لیٹر اضافہ ہوا ہے۔ جس کے بعد ہائی سپیڈ ڈیزل کی قیمت 293.40 روپے سے بڑھ کر 311.84 روپے فی لیٹر ہو گئی ہے۔
فنانس ڈویژن کے مطابق عالمی مارکیٹ میں پیٹرولیم کی قیمتوں میں اضافے اور شرح مبادلہ میں تبدیلی کے باعث حکومت نے پیٹرولیم مصنوعات کی موجودہ صارفین کی قیمتوں پر نظرثانی کا فیصلہ کیا ہے۔ نئی قیمتیں یکم ستمبر 2023 سے لاگو ہوں گی۔
