پاکستان میں مسلسل چار بارکمی کے بعد پیٹرول کی قیمت میں آج 7.45 روپے فی لیٹر کا اضافہ دیکھا گیا ہے۔ جس کے بعد گاڑی کی قیمت 258.16 روپے سے بڑھ کر 265.61 روپے فی لیٹر ہو چکی ہے۔ اسی طرح ہائی سپیڈ ڈیزل کی قیمت میں 9.56 روپے فی لیٹر اضافہ ہوا ہے جس کے بعد ہائی سپیڈ ڈیزل کی نئی قیمت 277.45 روپے فی لیٹر ہو چکی ہے۔ نئی قیمتوں کا اطلاق یکم جولائی 2024 سے ہو چکا ہے۔
پاکستان میں پیٹرول کی قیمتوں پر رپورٹس
قبل ازیں میڈیا رپورٹس کے مطابق پیٹرول کی قیمت میں 7 روپے سے 15 روپے تک کے اضافے کا مشورہ دیا گیا تھا اور اس اضافے کے تجویز کی وجہ پیٹرولیم لیوی میں اضافے کے امکانات تھے۔ خیال رہے کہ حکومت نے حالیہ بجٹ میں پیٹرولیم لیوی کو 60 روپے سے بڑھا کر 80 روپے کر دیا گیا ہے۔
اس لیے یہ واضح تھا کہ آنے والے دنوں میں ایندھن کی قیمتوں میں زبردست اضافہ دیکھنے میں آئے گا اور حیرت کی بات نہیں، وزیراعظم شہباز شریف نے بھی قیمتوں میں اضافے کا اعتراف کرتے ہوئے مزید کہا تھا کہ یہ اضافہ ایک ہی بار نہیں بلکہ مختلف مراحل میں ہوگا۔
موجودہ حکومت آئی ایم ایف کی تجویز کردہ اصلاحات کے تحت ملک کے تنخواہ دار اور متوسط طبقے پر بوجھ ڈالنے کے لیے یہ قدم اٹھانے پر مجبور ہو گئی ہے تاکہ بین الاقوامی مالیاتی فنڈ (آئی ایم ایف) کے ساتھ چلنے والے قرض کے پروگرام کو محفوظ بنایا جا سکے۔
واضح رہے کہ اس سے قبل بھی 60 روپے پیٹرولی لیوی بھی آئی ایم ایف کو خوش کرنے کے لیے عائد کی گئی تھی۔
پاکستان میں پٹرول کی قیمت کا براہ راست تعلق ملک میں مہنگائی کی شرح سے ہے کیونکہ اس میں اضافے سے روزمرہ استعمال کی اشیاء کی قیمتیں خود بخود بڑھ جاتی ہیں جس سے عوام پر مزید بوجھ پڑتا ہے۔ مزید برآں، یہ اطلاع دی گئی ہے کہ پیٹرول لیوی کو مرحلہ وار بڑھایا جائے گا، یعنی آنے والے ہفتوں میں پاکستان میں ایندھن کی قیمتوں میں مسلسل اضافہ دیکھا جا سکتا ہے۔
پاکستان میں پیٹرول کی نظرثانی شدہ قیمت پر آپ کی کیا رائے ہے؟ کیا آپ سمجھتے ہیں کہ حکومت کا یہ فیصلہ درست ہے؟ کمنٹس سیکشن میں بتائیں۔
