گزشتہ ہفتے پیٹرول کی قیمت میں 9.66 روپے فی لیٹر اضافے ک بعد ایک بار پھر پیٹرول کی قیمتیں بڑھنے کے امکانات ظاہر کیے جا رہے ہیں۔ رپورٹس کے مطابق پیٹرول کی قیمت میں 7 سے 8 روپے کے اضافے کا امکان ہے۔ جس کے بعد پیٹرول کی قیمت 289.41 روپے سے بڑھ کر کے 297.42 روپے ہو سکتی ہے۔
اس کے علاوہ ڈیزل کی قیمت میں 1 سے 2 روپے تک اضافہ کیا جا سکتا ہے جس کے بعد ڈیزل کی قیمت 282.24 فی لیٹر سے بڑھ کر 284.24 روپے فی لیٹر ہو سکتی ہے۔ اس سے قبل حکومت نے گزشتہ ہفتے ڈیزل کی قیمت میں 3.32 روپے کمی کرتے ہوئے صارفین کے لیے ریلیف کا اعلان کیا۔
رپورٹس کے مطابق، حکومت نے پیٹرولیم لیوی میں اضافہ نہیں کیا ہے اور نہ ہی جی ایس ٹی نافذ کیا ہے، یعنی یہ اضافہ ان اقدامات کے بغیر ہوگا اور حکومت کی جانب سے ان ٹیکسوں میں اضافے کے بعد پیٹرول کی قیت ممکنہ طور پر ملک میں پیٹرول کی قیمتوں کے تمام سابقہ ریکارڈ توڑ سکتی ہے۔
اضافے کی وجہ
پیٹرول کی قیمتوں میں ہونے والے ممکنہ اضافے کی وجہ بنیادی طور پر بین الاقوامی مالیاتی فنڈ (IMF) کی سفارشات یا جی ایس ٹی میں اضافہ نہیں ہے کیونکہ ان معاملات پر ابھی عمل درآمد نہیں ہوا۔
لہذا، روپے کی قدر میں برسوں سے جاری مسلسل کمی اور مشرق وسطیٰ میں موجودہ بگٹرتی صورتحال، خاص طور پر ایران اور اسرائیل کے درمیان براہ راست تنازعہ کے آثار بھی عالمی منڈی میں تیل کی قیمتوں کو متاثر کر رہے ہیں۔
جی ایس ٹی اور پیٹرولیم لیوی
اطلاعات ہیں کہ حکومت پیٹرولیم لیوی 60 روپے سے بڑھا کر 100روپے فی لیٹر لینے کا ارادہ رکھتی ہے۔ پیٹرولیم ڈویلپمنٹ لیوی نے حالیہ برسوں میں (خاص طور پر 2023 میں بڑے اضافے کے ساتھ) مختلف اتار چڑھاؤ دیکھے ہیں۔
ابتدائی طور پر پیٹرولیم لیوی جولائی 2022 میں 20 روپے فی لیٹر تھی جو کہ بعدازاں نومبر میں بڑھا کر 50 روپے کر دی گئی جو ستمبر 2023 تک مزید بڑھا کر 60 فی لیٹر کر دی گئی۔ فی الحال، حکومت پٹرول اور ڈیزل دونوں پر 60 روپے فی لیٹر لیوی لے رہی ہے جو قانون کے تحت حد سے زیادہ ہے۔
