14 اگست کی مناسبت سے آزادی کا جشن منانے کے لیے اٹلس ہنڈا سی بی 125F کے خصوصی یونٹس لانچ کرے گا۔ سوشل میڈیا پر آنے والی تصاویر میں موٹر سائیکل کو سفید باڈی اور سبز سٹیکرز کے ساتھ دیکھا جا سکتا ہے۔ جس سے بائک کے مداحوں کےدرمیان کافی جوش و خروش پھیل گیا ہے۔
یہ بات قابل ذکر ہے کہ بائیک کے باقی فیچرز اور خصوصیات وہی رہیں گے جن میں الائے وہیلز، ڈوئل پسٹن کیلیپرز کے ساتھ فرنٹ ڈسک بریک، اور 5 سپیڈ ٹرانسمیشن شامل ہیں۔ اس موٹر سائیکل کا مجموعی ڈیزائن معیاری ہنڈا CG125 کے مقابلے میں قدرے وضع دار ہے۔
انجن
بائک میں 124 سی سی سنگل سلنڈر4 سٹروک پُش راڈ انجن جو 10 ہارس پاور اور 9.5Nm ٹارک پیدا کرنے صلاحیت رکھتا ہے۔ خیال رہے کہ اٹلس ہںڈا یہ بائک 1990 کے اوائل سے استعمال کی جا رہی ہے۔
لیکن اب وقت کے ساتھ ساتھ صارفین کو اس بائک میں کچھ نیا سٹائل درکار ہے۔ اس سے قبل یاماہا اور سوزوکی نئے سٹائل کے ساتھ اپنی بائکس لا چکی ہیں جبکہ ہنڈا اسی پرانے سٹائل کو تاحال جاری رکھے ہوئے ہے۔ اس طرز کے یونٹس عوام کی توجہ حاصل کرنے کے لیے لانچ کیے جاتے ہیں۔
آپ ان تصاویر میں دیگر CB125F یونٹس کو بھی سیاہ، نیلے اور سرخ رنگ میں دیکھ سکتے ہیں۔ ان میں عام چیز سبز رنگ کے نئے سٹیکرز ہیں۔
ہںڈا بائکس کی قیمتوں میں اضافہ
یاماہا کے بعد ہنڈا نے بھی اپنی بائکس کی قیمتوں میں اضافہ کر دیا ہے۔ ہمیشہ کی طرح کمپنی نے قیمتوں میں اضافے کی کوئی وھجہ بیان نہیں کی لیکن مودوہ معاشی بگاڑ اس کی وجہ ہو سکتا ہے۔
- ہنڈا سی ڈی 70 کی قیمت اب 116500 روپے ہوگی جبکہ پرانی قیمت 111500 روپے تھی۔ یعنی بائک کی قیمت میں 5000 روپے اضافہ کیا گیا ہے۔
- ہنڈا سی ڈی 70 ڈریم کی قیمت 119500 روپے سے بڑھ کر 124500 روپے ہو چکی ہے۔ یعنی بائک کی قیمت میں 5000 روپے اضافہ کیا گیا ہے۔
- ہنڈا پرائیڈر کی قیمت 150900 روپے سے بڑھ کر 155900 روپے ہو چکی ہے۔ یعنی بائک کی قیمت میں 5000 روپے اضافہ کیا گیا ہے۔
- اسی طرح کمپنی کی دوسری سب سے مشہور موٹر سائیکل ہنڈا سی جی 125 کی قیمت اب 179500 روپے ہوچکی ہے جبکہ پرانی قیمت 174500 روپے تھی۔ یعنی بائک کی قیمت میں 5000 روپے اضافہ کیا گیا ہے۔
- ہنڈا سی جی 125 SE کی قیمت 205500 روپے سے بڑھ کر 210500 روپے ہو چکی ہے۔ یعنی بائک کی قیمت میں اب 5000 روپے اضافہ ہو چکا ہے۔
- ہنڈا 125 F CB کی قیمت میں 10000 روپے اضافہ ہو چکا ہے۔ جس کے بعد بائک کی قیمت 263900 روپے سے بڑھ کر 273900 روپے ہو چکی ہے۔
- ہنڈا 125 FS CB کی نئی قیمت 338900 روپے ہو چکی ہے جبکہ پرانی قیمت 323900 روپے ہے۔ یعنی بائک کی قیمت میں 15000 روپے اضافی کیا گیا ہے۔
- آخر میں CB 150F SE کی قیمت میں 15000 روپے اضافہ ہوا ہے جس کے بعد بائک کی قیمت 327900 روپے سے بڑھ کر 342900 روپے ہو چکی ہے۔
