ٹریفک پولیس نے ملتان کرکٹ اسٹیڈیم میں پی ایس ایل 8 کے افتتاحی میچوں کے شیڈول کے لیے ٹریفک پلان اور پارکنگ پلان جاری کردیا ہے کیونکہ توقع کی جا رہی ہے کہ شائقین کی بڑی میچ دیکھنے آئے گی جس کے باعث سٹیڈیم کے قریب ٹریفک جام ہونے کے امکانات پیدا یو سکتے ہیں۔
عوامی سہولت کے پیش نظر اور ٹریفک کی مؤثر روانی کے لیے ٹریفک ایڈوائزری پلان pic.twitter.com/Vi5hCT1swA
— City Traffic Police Multan (@TrafficMultan) February 8, 2023
پی ایس ایل 8 کے میچز کے دوران یہ روٹس ٹریفک کے لیے دستیاب نہیں ہوں گے۔
- ایس پی چوک سے کیان پور چوک، کیان پور چوک سے بہاولپور بائی پاس، اور بہاولپور بائی پاس سے سٹیڈیم چوک کو ملانے والی سڑکیں عارضی طور پر بند کر دی جائیں گی۔
- ایس پی چوک اور کیان پور چوک سے شیر شاہ انٹر چینج تک سڑکیں، نیز شاہ رکن عالم انٹر چینج سے وہاڑی روڈ، بابر چوک سے اسٹیڈیم چوک تک کی سڑکیں بند رہیں گی۔
- وہاڑی روڈ پر واقع اسٹیڈیم موڑ سے بدھلہ روڈ پر اسٹیڈیم موڑ تک کا راستہ سیکیورٹی کے لیے بند کیا جائے گا۔
- نواں شہر چوک 9 فروری سے چاروں اطراف سے ٹریفک کے لیے بند ہے۔
خیال رہے کہ ٹریفک پولیس ملتان نے روٹس کی بندش کا کوئی منصوبہ شیئر نہیں کیا ہے۔ اس لیے توقع ہے کہ یہ راستے میچ شروع ہونے سے پہلے بند ہو جائیں گے۔
اس دوران طارق موڑ سے ایس پی چوک اور ابدالی مسجد روڈ سے ڈیرہ اڈا چوک تک کے راستے ٹریفک کے لیے کھلے رہیں گے۔ اس کے علاوہ کلمہ چوک اور طارق موڑ کے درمیان کا راستہ اور گھنٹہ گھر سے کچہری تک سڑک بند رہے گی۔ خیال رہے کہ چنگچی، آٹو رکشہ اور غیر رجسٹرڈ گاڑیوں کو پارکنگ ایریا میں داخل ہونے کی اجازت نہیں ہوگی۔
سٹیڈیم کے قریب گاڑی چلانے والے افراد کو اپنا شناختی کارڈ اور ٹکٹ ساتھ رکھنا ہوگا۔ یاد رہے کہ پی ایس ایل 8 کا پہلا میچ ملتان سلطان اور لاہور قلندرز کے درمیان شام 7:30 بجے شروع ہوگا۔
کیا آپ قلندرز اور سلطانز کے درمیان آج کا افتتاحی میچ دیکھنے جا رہے ہیں؟ اگر ہاں، تو اپنی گاڑی کو احتیاط سے پارک کریں اور وہاں لگائے گئے اشاروں پر عمل کریں۔
