گزشتہ ماہ پاک سوزوکی کی تاریخ کی ریکارڈ سیلز

گزشتہ ماہ پاک سوزوکی نے کمپنی کی تاریخ میں اب تک کی سب سے زیادہ سیل ریکارڈ کی ہے۔ کمپنی کے مطابق اس نے گزشتہ ماہ 15،207 گاڑیاں فروخت کیں جبکہ سوزوکی آلٹو اس سیل کی فہرست میں سب سے اوپر ہے۔

کمپنی کی جانب سے جاری کیے گئے اعداد و شمار کے مطابق آلٹو کے 6115، کلٹس کے  4216، ویگن آر کے 2133، سوئفٹ کے 226 یونٹس فروخت کیے۔ اسی طرح کار مینو فیکچرزز کمپنی نے راوی کے 1554، جِمی کے 10 اور بولان کے 953 یونٹس فروخت کیے جبکہ سوزوکی وِٹارا اور اے پی وی کا ایک بھی یونٹ فروخت نہیں ہوا۔

بائیک سیلز:

کمپنی نے بائیک کی سیلز کے اعدادو شمار پاک ویلزکے ساتھ شئیر کیے ہیں۔ جن کے مطابق سوزوکی نے GD110S کے 1278، GS150SE کے 1196، GR150 کے 130، GS150 کے 13 جبکہ GSX150F کے 2 یونٹس فروخت کیے۔

ممکنہ وجہ:

سوزوکی کی اس تاریخی سیل کے پیچھے ممکنہ وجہ رواں مالی سال سامنے والی نئی آٹوپالیسی ہو سکتی ہے جس کے تحت حکومت نے 1000 سی سی تک کی گاڑیوں سے جنرل سیلز ٹیکس (GST) اور (FED) ہٹا دی ہے اور ہم جانتے ہیں کہ سوزوکی ایکس سیکشن میں سب سے اوپر ہے۔ کئی مڈل کلاس فیملیز سوزوکی کی چھوٹی گاڑیوں کی ترجیح دیتی ہیں۔ اس کے علاوہ اس سیکشن میں سوزوکی کا کوئی دوسرا مدمقابل بھی نہیں ہے۔ یہی وجہ ہے کہ یہ کمپنی اس سیکشن میں راج کرتی نظر آتی ہے۔

نئی پالیسی یکم جولائی 2021 کو نافذ کی گئی تھی جس کے بعد صارفین کی بڑی تعداد نے ملک بھر میں سوزوکی ڈیلرشپ کا رخ کیا۔ امید ہے کہ کمپنیاں یہ فوائد عام خریداروں کو ضرور منتقل کریں گی۔

سوزوکی کی اِس ریکارڈ سیل کے بارے آپ کا کیا کہنا ہے؟ کیا آپ نے بھی گزشتہ ماہ کوئی سوزوکی کی گاڑی خریدی ہے۔ نیچے دئیے گئے کمنٹ سیکشن میں اپنی رائی کا اظہار کریں۔