ٹویوٹا انڈس کے بعد پاک سوزوکی کی سیلز میں بھی بڑی کمی دیکھی گئی ہے۔ ملک میں جاری معاشی بحران مقامی آٹو انڈسٹری کو بھی بری طرح متاثر کر رہا ہے۔
کمپنی نے گزشتہ ماہ جولائی میں سب سے کم 6800 یونٹس بیچے جو کہ مئی 2022 کے اسے دورانیے سے 60 فیصد کم ہیں۔
خیال رہے کہ سوزوکی آلٹو ہمیشہ کمپنی کی سب سے زیادہ بکںے والی کار رہی ہے اور اب جبکہ کمپنی کی سیلز میں بڑی کمی دیکھی گئی ہے تو سوزوکی آلٹو نے اس مشکل وقت میں کمپنی کی سیلز کو تھوڑا بہتر بنانے میں اہم کردار ادا کیا ہے۔
ذرائع کے مطابق کمپنی نے سوزوکی آلٹو کے 4600 یونٹس بیچے ہیں۔ دوسری جانب کمپنی کُل ملا کر دوسری کاروں کے 500 یونٹ بھی نہیں بیچ سکی۔
سوزوکی سوئفٹ کی نئی قیمت 40 لاکھ روپے
ملک کی بگڑتی معاشی صورتحال نے پاکستان کی آٹو انڈسٹری کے کورونا سے متاثر ہونے والے حالات کو مزید بگاڑ دیا ہے۔ رواں سال صرف سات ماہ کی مدت میں یہ گاڑیوں کی قیمتوں میں اضافے کی چوتھی لہر ہے۔
ٹویوٹا، ہنڈا، کِیا اور چنگان کے بعد سوزوکی نے بھی گاڑیوں کی قیمتوں میں اضافہ کر دیا ہے۔ نئی قیمتوں کا اطلاق آج یکم اگست 2022 سے ہوگا۔
سوزوکی سوئفٹ کے تمام ویرینٹس کی نئی قیمتیں ذیل درج ہیں۔
سوزوکی سوئفٹ کی نئی قیمتیں
- بیس ویرینٹ جی ایل مینوئل کی قیمت میں 575000 روپے اضافہ کیا گیا ہے۔ جس کے بعد گاڑی کی قیمت 2774000 روپے ہو چکی ہے جبکہ گاڑی کی پرانی قیمت 3349000 روپے تھی۔
- اسی طرح مِڈ ویرینٹ جی ایل CVT کی قیمت میں 601000 روپے اضافہ کیا گیا ہے۔ جس کے بعد گاڑی کی قیمت 3599000 روپے ہو چکی ہے جبکہ گاڑی کی پرانی قیمت 2998000 روپے تھی۔
- ٹاپ آف دی لائن ویرینٹ سوئفٹ GLX CVTکی قیمت میں 661000 روپے کا اضافہ دیکھا گیا ہے۔ جس کے بعد گاڑی کی نئی قیمت 3959000 روپے ہو چکی ہے جبکہ پرانی قیمت 3298000 روپے تھی
