سوزوکی سوئفٹ کے کل لانچ ہونے کے بعد ہم اس گاڑی کا موازنہ مارکیٹ میں موجود دیگر حریفوں کے ساتھ کریں گے۔ اس آرٹیکل میں ہم سوئفٹ GLX کیساتھ ٹویوٹا یارس 1.3L ATIV CVT کا موازنہ کریں گے۔ اگرچہ ان میں سے ایک ہیچ بیک جبکہ دوسری سیڈان ہے لیکن دونوں کی قیمت ایک ہی ہے۔
سائز
نئی سوئفٹ 151 انچ لمبی، 68 انچ چوڑی اور 60 انچ اونچی ہے جبکہ اس کے مقابلے میں یارس کی لمبائی 174 انچ، چوڑائی 68 انچ اور اونچائی 58 انچ ہے۔ یارِس ایک سیڈان ہے لہذا، اس کا یارس سے سائز میں بڑا ہونا کوئی بڑی بات نہیں ہے۔
انجن
نئی سوئفٹ میں 1.2L K-Series VVT انجن دیا گیا ہے جو 81 ہارس پاور اور Nm113 ٹارک پیدا کرنے کی صلاحیت رکھتا ہے۔ دریں اثنا، یارس میں 1300 سی سی 2NR FEانجن دیا گیا ہے جو 98 ہارس پاور اور 123Nm ٹارک پیدا کرتا ہے۔ اگر ہم ٹرانسمیشنز کا موازنہ کریں تو سوئفٹ میں CVT ہے جبکہ Yaris میں 7-اسپیڈ آٹومیٹک CVTi ہے۔
ایکسٹیرئیر
سوئفٹ میں آٹو LED پروجیکٹر ہیڈ لیمپس دئیے گئے ہیں جبکہ یارس 4 بیم ہیلوجن ہیڈلائٹس موجود ہیں۔ سوزوکی سوئفٹ میں 15 انچ الائے ویلز کے مقابلے میں یارس میں 16 انچ کے الائے وہیلز ہیں۔ مزید برآں، سوئفٹ کی ہیڈلائٹس میں ضم شدہ LED DRLs دئیے گئے جبکہ یارس میں ایسا کچھ نہیں ہے۔ دونوں کاروں میں فوگ لیمپ کی صورت میں سادہ بلب دئیے گئے ہیں۔
انٹیرئیر
سوئفٹ میں سٹیئرنگ ٹِلٹ اور ٹیلی سکوپک ہے جبکہ یارس میں الیکٹرک پاور اسِسٹِڈ ہے۔ دونوں گاڑیوں میں اسٹیئرنگ کنٹرول بھی موجود ہیں۔ دونوں کاروں میں فیبرک سیٹس دی گئی ہیں۔ سوزوکی سوئفٹ میں 9 انچ کا انفوٹینمنٹ سسٹم ہے جبکہ یارس میں ایسا کچھ نہیں ہے۔ اس کے علاوہ، سوئفٹ میں MID انسٹال ہے جو کہ ٹویوٹا کی سیڈان میں نہیں ہے۔
دونوں کاروں میں پاور ونڈوز، آٹو اے سی ہے جبکہ سوئفٹ میں آٹو اسٹارٹ کا فیچر بھی دیا گیا ہے، جو اس کی مدمقابل یارس میں نہیں ہے۔ پاک سوزوکی اپنی کار میں یارس میں سی ڈی/ڈی وی ڈی پلیئر کے مقابلے میں ایک سادہ آڈیو سسٹم پیش کرتا ہے۔
سیفٹی اور کمفرٹ
سوئفٹ کو ایئر بیگز کے زمرے میں واضح برتری حاصل ہے کیونکہ یارس میں یارس میں 2 جبکہ یارس میں 6 ائیر بیگز ہیں۔ دونوں گاڑیوں وہیکل اسٹیبلٹی کنٹرول، ABS + EBD، اِموبلائزر اور ہل سٹارٹ اسسٹ سٹینڈرڈ سیفٹی فیچرز کے طور پر موجود ہیں۔ اس کے علاوہ سوئفٹ میں کئی اضافی فیچرز بھی موجود ہیں جن میں ٹریکشن کنٹرول، ریئر پارکنگ سینسرز اور ریورس کیمرہ شامل ہیں۔ لہذا، اس اہم حصے میں سوئفٹ کو اپنے مدمقابل پر برتری حاصل ہے۔ آخر میں Yaris میں چائلڈ لاک کا فیچر بھی موجود ہے جو سوئفٹ میں انسٹال نہیں ہوتا۔
قیمت
پاک سوزوکی نے سوئفٹ GLX کی قیمت 2899000 روپے رکھی ہے جبکہ یارس CVT 1.3L کی موجودہ قیمت 2919000 روپے ہے۔ یعنی یارس سوئفٹ سے 20000 روپے مہنگی ہے۔
