ٹویوٹا کرولا کراس پریمیم بمقابلہ ہیونڈائی ٹوسان اے ڈبلیو ڈی – ایک تقابل

ٹویوٹا انڈس موٹر کمپنی (IMC) نے باضابطہ طور پر ٹویوٹا کرولا کراس لانچ کر دی ہے۔ یہ لگژری SUV تین ویرینٹس میں دستیاب ہے: پریمیم ہائی گریڈ، اسمارٹ مڈ گریڈ اور لو گریڈ۔ آج ہم ٹویوٹا کرولا کراس پریمیم ہائی گریڈ کا ہیونڈائی ٹوسان AWD کے ساتھ تفصیلی کمپیریزن یعنی تقابل کرنے جا رہے ہیں۔ دونوں SUVs ٹاپ آف دی لائن ویرینٹس ہیں۔ البتہ کرولا کراس کمپلیٹلی بلٹ اپ (CBU) یونٹ ہے جبکہ ٹوسان AWD ایک کمپلیٹلی ناکڈ ڈاؤن (CKD) یونٹ ہے۔ پھر بھی یہ ایک دوسرے کی ممکنہ حریف ہیں، اس لیے تقابل بنتا ہے۔ تو آئیے شروعات کرتے ہیں۔

انجن اور ٹرانسمیشن

ٹویوٹا کرولا کراس ایک 1.8-لیٹر کے چوتھی جنریشن (ہائبرڈ) انجن کے ساتھ آئی۔ گاڑی کی انجن پاور 71hp ہے، جبکہ الیکٹرک موٹر کی طاقت 72hp ہے۔ جبکہ انجن کا ٹارک 142 Nm ہے اور الیکٹرک موٹر کا ٹارک 163 Nm۔ یوں ٹویوٹا کرولا کی مجموعی ہارس پاور 168 hp اور مجموعی ٹارک 305 Nm ہے۔

ہیونڈائی ٹوسان میں 2.0-لیٹر MPI پٹرول انجن ہے جو 155 ہارس پاور اور 196 Nm ٹارک پیدا کرتا ہے۔ کرولا کراس کا 1.8L ہائبرڈ انجن ٹوسان کے 2.0L پٹرول انجن سے زیادہ طاقت اور بہتر فیول اکانمی دیتا ہے۔

کرولا کراس اپنے انجن کی طاقت کو الیکٹرو کنٹی نیوسلی ویری ایبل ٹرانسمیشن (CVT) کے ساتھ پیش کرتی ہے۔ ہیونڈائی ٹوسان 6-اسپیڈ آٹومیٹک ٹرانسمیشن کے ساتھ آتی ہے۔

ٹویوٹا کرولا کراس پریمیم ہیونڈائی ٹوسان AWD سے زیادہ طاقتور پاور ٹرین رکھتی ہے۔

ڈرائیو ٹرین

ٹویوٹا کرولا کراس ایک فرنٹ ویل ڈرائیو (FWD) گاڑی ہے جبکہ ہیونڈائی ٹوسان آل ویل ڈرائیو (AWD) ہے۔ کرولا کراس میں چار ڈرائیو موڈز (پاور، نارمل، ECO اور EV) ہیں اور ٹوسان میں تین (نارمل، ایکو اور اسپورٹ)۔ کرولا کراس کو برتری حاصل ہے اپنے EV موڈ کی وجہ سے کہ جو گاڑی کو تب بھی چلا سکتا ہے جب اس میں فیول یعنی ایندھن ہی نہ ہو۔

ایکسٹیریئر

ٹویوٹا کرولا کراس پریمیم اور ہیونڈائی ٹوسان AWD دونوں پروجیکشن LED ہیڈلیمپس رکھتی ہیں۔ کرولا کراس پریمیم میں LED فوگ لیمپس ہیں جبکہ ہیونڈائی ٹوسان AWD ہیلوجن لیمپس رکھتی ہے۔ ٹوسان میں کارنر لائٹس ہیں جبکہ کرولا کراس مین نہیں ہیں۔

کرولا کراس پریمیم میں سن رُوف ہے لیکن ٹوسان AWD میں پینورامک سن رُوف ہے۔ کرولا کراس پریمیم میں 17 انچ کے الائے ویلز ہیں اور ٹویوٹا ٹوسان AWD میں 18 انچ کے الائے ویلز ہیں۔ دونوں گاڑیوں میں الائے اسپیئر ویل بھی ہے۔

ٹوسان کی پینورامک سن رُوف اسے کرولا کراس سے بہتر گاڑی بناتی ہے۔ اس کے علاوہ دونوں SUV ایک جیسا ایکسٹیریئر ہی رکھتی ہیں۔

انٹیریئر

کروز کنٹرول، فرنٹ اور ریئر پارکنگ سینسرز، رین سینسر اور ڈوئل زون آٹو ایئر کنڈیشننگ سسٹم دونوں SUVs میں اسٹینڈرڈ فیچرز ہیں۔

کرولا کراس انٹرٹینمنٹ یونٹ کے طور پر 8 انچ کی ٹچ اسکرین رکھتی ہے جبکہ ٹوسان AWD میں 10 انچ کی فلوٹنگ ٹچ اسکرین ہے۔ دوسری جانب کرولا کراس پریمیم ملٹی انفارمیشن ڈسپلے (MID) کے لیے ایک 7 انچ کی LCD رکھتی ہے جبکہ ٹوسان میں 4.2 انچ کی MID موجود ہے۔

کرولا کراس پریمیم آپ کو ریئر ویو دیتی ہے جبکہ ٹوسان AWD ریئر ویو کے ساتھ ڈائنامک گائیڈ لائنز دیتی ہے، جس کا مطلب ہے کہ گاڑی ایسا نیوی گیشن سسٹم رکھتی ہے جو آپ کی گاڑی کو پارک کرنے میں مدد دیتی ہے۔ ہیونڈائی ٹوسان AWD میں ایک وائرلیس ڈیوائس چارجنگ کا اضافی فیچر بھی ہے۔

کرولا کراس پریمیم کی ڈرائیور سیٹ 6-وے الیکٹرک ایڈجسٹ ایبل ہے جبکہ ٹوسان AWD کی ڈرائیور سیٹ 8-وے الیکٹرک ایڈجسٹمنٹ کے ساتھ آتی ہے۔ کرولا کراس پریمیم ایک پیڈل ٹائپ پارکنگ بریک رکھتی ہے جبکہ ٹوسان AWD میں الیکٹرک پارکنگ بریک ہے۔

ہیونڈائی ٹوسان AWD ڈرائیو کو ٹویوٹا کرولا کراس پریمیم سے زیادہ دلچسپ بناتی ہے۔

سیفٹی

اینٹی-لاک بریکنگ سسٹم (ABS)، الیکٹرانک بریک فورس ڈسٹری بیوشن (EBD)، وہیکل اسٹیبلٹی کنٹرول (VSC) اور ہل اسٹارٹ اسسٹ (HSA) دونوں SUVs میں اسٹینڈرڈ سیفٹی فیچرز ہیں۔ ٹوسان AWD ایک آٹو ہولڈ بریکس کا اضافی فیچر رکھتی ہے جو کرولا کراس پریمیم میں نہیں ہے۔

ٹویوٹا کرولا کراس پریمیم میں ہیونڈائی ٹوسان AWD سے زیادہ ایئر بیگز ہیں۔ کرولا کراس پریمیم میں سات ایئر بیگز ہیں اور ٹوسان AWD میں صرف دو۔ ٹویوٹا کی SUV کسی حادثے کی صورت میں ہیونڈائی کی گاڑی سے کہیں زیادہ محفوظ ہوگی۔

قیمت

ٹویوٹا نے کرولا کراس پریمیم ہائی گریڈ کی قیمت 83,99,000 روپے رکھی ہے۔ ہیونڈائی ٹوسان AWD ویرینٹ کو 55,99,000 روپے کی قیمت پر فروخت کر رہا ہے۔ یعنی قیمت کا فرق 28 لاکھ روپے ہے۔