اگر آپ ٹویوٹا کے پرستار ہیں، تو آپ نے یقیناً ٹویوٹا ریسنگ ڈویلپمنٹ کے بارے میں سنا ہوگا۔ TRD دراصل ٹویوٹا کے موٹر سپورٹس ڈویژن کا ایک ارتقاء ہے، جسے 1960 کی دہائی میں ٹویوٹا اسپورٹس کارنر (TOSCO) کے نام سے قائم کیا گیا تھا۔ TRD پیکج پک اپ ٹرکوں اور SUVs کے لیے آف روڈنگ کے لیے پیش کیا گیا ہے۔
دریں اثنا، TRD کا نام کچھ سیڈان جیسے کرولا، کیمرے اور ایولون پر بھی دیکھا گیا۔ حال ہی میں، ٹویوٹا نے ٹویوٹا جی آر کے نام سے ایک نیا ڈویژن متعارف کرایا، جس کا مطلب ٹویوٹا گازو ریسنگ ہے۔ GR باقاعدہ ماڈلز کی بنیاد پر فیکٹری سے اعلیٰ کارکردگی والی گاڑیوں کے لیے ختص ہے۔ یعنی کہ ہم کہہ سکتے ہیں کہ GR وہی ہے جیسا کہ BMW کا M اور AMG سے مرسڈیز ہے۔
ٹویوٹا ہائی لکس جی آر سپورٹ
درمیانے سائز کے پک اپ ٹرکوں کی بات کریں تو ایسے میں ٹویوٹا ریوو اور ٹکوما کو نظر انداز نہیں کیا جا سکتا۔ ان کی موجودہ آٹھویں جنریشن 2015 میں آئی اور پاکستان سمیت متعدد عالمی منڈیوں میں بھی پیش کی گئی ہے۔
مارکیٹس کو دیکھتے ہوئے موجودہ ماڈل کو دوبارہ فیس لفٹ کے تحت لانچ کیا گیا ہے اور اس میں کچھ معمولی تکنیکی اپ گریڈز دیکھنے کو ملی ہیں۔ پچھلے سال جنوری میں، ٹویوٹا نے یورپ کے لیے مشہور ٹربوڈیزل 1GD-FTV سے چلنے والے ہائی لکس جی آر سپورٹس ویرینٹ کا اعلان کیا۔ یورپی ماڈل میں کچھ فینسی سپورٹی فیچرز اور سسپینشن سے متعلق معمولی تبدیلی دیکھی گئی لیکن کارکردگی کے حوالے سے اس میں کچھ بھی نہیں تھا۔ GR سپورٹ ورژن کو گزشتہ سال تھائی لینڈ اور فلپائن میں بھی جاری کیا گیا تھا۔
آسٹریلیا میں GR سپورٹ
اب ٹویوٹا نے آسٹریلوی مارکیٹ کے لیے ہائی لکس جی آر سپورٹس جاری کیا ہے۔ یہ ماڈل ٹویوٹا آسٹریلوی 4WD وہیکل ڈویژن نے لاطینی امریکہ، تھائی لینڈ اور جاپان کے انجینئروں کی تکنیکی مہارت کے ساتھ تیار کیا ہے۔ یورپ، تھائی لینڈ، فلپائن میں پہلے سے دستیاب دیگر مارکیٹوں کے GR SPORT ماڈل کے برعکس، آسٹریلوی ماڈل کو بیرونی اور اندرونی تبدیلی کے علاوہ وسیع تکنیکی اور کارکردگی میں بہتری ملی ہے۔
ٹویوٹا ہلکس GR سپورٹ کا ایکسٹریئر
ٹویوٹا لیٹرنگ کے ساتھ بلیک آؤٹ گرل، دوبارہ ڈیزائن کیا گیا فرنٹ بمپر اور ایک نئی ڈیزائن کردہ ایلومینیم سکڈ پلیٹ فرنٹ کو زیادہ مزید خوبصورت شکل دیتی ہے۔ گاڑی میں بلیک آؤٹ سائیڈ ویو مررز، دروازے کے ہینڈلز اور نئے 17″ الائے وہیلز اور راک ریلز دئیے گئے ہیں۔
ٹویوٹا کے مطابق، ترمیم شدہ بیرونی پینلز کو ایروڈینامک کارکردگی کے لیے تیار اور جانچا گیا ہے۔
سسپنشن
مزید برآں، پورے سسپنشن سسٹم کو زیادہ ڈیمپنگ فورس اور گرمی کی کھپت کے ساتھ مونوٹوب شاکس کے ساتھ اپ ڈیٹ کیا گیا ہے۔ یہاں نئے سٹِفر کوائلز ہیں جبکہ سٹیئرنگ سسٹم کی بہتری کے ساتھ فرنٹ سے پچھلی سائیڈ تک سسپنشن بیلنس میں بھی ترمیم کی گئی ہے۔
انٹیرئیر
اندرونی حصے میں، سیٹ ہیڈریسٹس اور سٹیئرنگ وہیل پر چسپاں کیے گئے جی آر لوگو کے علاوہ کچھ بھی مختلف نہیں ہے۔ سرخ سیٹ بیلٹ ہیں جبکہ لیدر سیٹس ہیں۔ باقی انٹیرئیر کسی بھی دوسرے Hilux جیسا ہی ہے جس میں ڈیش بورڈ، گیج کلسٹر اور انفوٹینمنٹ اسکرینز دی گئی ہیں۔
ٹویوٹا ہائی لکس GR سپورٹس کی پاور
انجن کی بات کی جائے تو GR Sport کو وہی ٹربوڈیزل 1GD-FTV ملتا ہے جو دوسری مارکیٹوں میں دستیاب ہے، لیکن فیول انجیکشن اور ٹربو سسٹم پر نظر ثانی کی گئی ہے۔ اس سے پاور میں 221 ہارس پاور کا اضافہ ملتا ہے جبکہ ٹارک بھی nm550 تک بڑھ جاتا ہے۔ یہ فیچرز ہائی لکس کے اس ویریںٹ کو سب سے پاورفُل ویرینٹ بناتے ہیں
