ٹویوٹا انڈس کی جانب سے اعلان کیا گیا ہے کہ آرڈر منسوخ کرنے کی صورت میں کمپنی مارک اپ کے ساتھ مکمل پیشگی ادائیگی واپس کرنے کیلئے تیار ہے۔
کمپنی نے 27 جولائی 2022 کو ایک باضابطہ نوٹس جاری کیا جس میں اعلان کیا گیا کہ وہ ڈیلیوری میں تاخیر اور موجودہ غیر یقینی صورتحال کی وجہ سے اپنے صارفین کو مارک اپ کے ساتھ مکمل پیشگی ادائیگی واپس کرنے کو تیار ہیں۔ یہ مارک اپ کمپنی کی طرف سے ادائیگی کی وصولی کی تاریخ سے آفر کی منسوخی کی تاریخ تک ادا کیا جائے گا جبکہ کوئی انتظامی اخراجات وصول نہیں کیے جائیں گے۔
ٹویوٹا نے کہا ہے کہ روپے کی قدر میں کمی اور LC کے اجراء میں رکاوٹوں کی وجہ سے گاڑیوں کی ڈیلیوریز میں 3 ماہ پیچھے کی تاخیر کا سامنا کرنا پڑ سکتا ہے۔ کمپنی نے کہا کہ وہ ان مسائل کو کم کرنے کے لیے حکومت کے ساتھ مل کر کام کر رہی ہے۔
کمپنی کی جانب سے جاری کیے گئے نوٹس میں کہا گیا ہے کہ ہم یہ اندازہ لگانے سے قاصر ہیں کہ یہ اور دیگر بیرونی عوامل کب تک برقرار رہیں گے اور مزید یہ کہ ہم مستقبل قریب میں مینوفیکچرنگ میں رکاوٹوں کے امکان کو رد نہیں کر سکتے۔ اس لیے کمپنی آرڈر منسوخ کرنے والے صارفین کو مارک اپ کے ساتھ جمع کروائی گئی مکمل رقم واپس کر رہی ہے۔
موجودہ معاشی صورتحال کی وجہ سے کمپنی کی جانب سے پاکستان میں پروڈکشن آپریشن بند کرنے کی خبریں پہلے ہی موجود تھیں۔
کمپنی کے آفیشل نوٹس کی کاپی یہ ہے۔
