کئی مہنیوں بپر محیط طویل عرصے کیلئے فروخت اور پیداواری بحران کا سامنا کرنے کے بعد ٹویوٹا انڈس موٹرز کے لیے موجودہ چیلنجز کے دوران ایک امید کی روشنی چمک رہی ہے کیونکہ گزشتہ ماہ ٹویوٹا گاڑیوں کی سیلز میں بڑا اضافہ دیکھا گیا ہے۔
پاما (پاکستان آٹو موٹیو مینوفیکچررز ایسوسی ایشن) کی جانب سے جاری کی گئی رپورٹ کے مطابق ٹویوٹا پاکستان کی فروخت میں حیران کن طور پر 304 فیصد اضافہ ہوا ہے۔ گزشتہ ماہ 3570 یونٹس فروخت ہوئے جبکہ دسمبر 23 میں یہ تعداد 684 تھی۔ کمپنی نے ٹویوٹا انڈس نے کرولا اور یارِس کے 1207 یونٹس اور فارچیونر اور ہلکس کے 132 یونٹس فروخت کیے۔
قبل ازیں، ٹویوٹا پاکستان نے کم انوینٹری کی وجہ سے کئی ماہ تک سیلز میں بڑی کمی، یکے بعد دیگرے پروڈکشن شٹ ڈاؤنز کا سامنا کیا۔ پاکستان کے بگڑتے ہوئے معاشی حالات نے SBP (اسٹیٹ بینک آف پاکستان) کو درآمدی پابندیاں عائد کرنے پر مجبور کیا جس کے نتیجے میں پاکستان کی کار انڈسٹری کو نقصان پہنچا۔
کاروں کی فروخت میں 81 فیصد اضافہ
پاکستان میں کاروں کی فروخت اور پیداوار میں کئی ماہ تک رہنے والی میں شدید مندی کے بعد رواں سال ایک امید افزا آغاز دیکھا گیا ہے۔ پاما (پاکستان آٹو موٹیو مینوفیکچررز ایسوسی ایشن) رپورٹ کے مطابق کاروں کی ماہانہ فروخت میں حیران کن طور پر 81 فیصد اضافہ ہوا، یعنی دسمبر 2023 میں 5,816 گاڑیوں کے مقابلے جنوری 23 میں 10,536 یونٹس فروخت ہوئے۔
تاہم، سالانہ سیلز کی بات کی جائے تو یہاں 5 فیصد کی معمولی کمی واقع ہوئی، کیونکہ کار ساز کمپنیوں نے گزشتہ سال اسی عرصے کے دوران 11124 کاریں فروخت کیں، کاروں کی قیمتوں میں زبردست اضافے، عوام کی قوت خرید میں کمی اور کم کاروں کی بدولت فنانسنگ یہ کمی دیکھی گئی ہے۔
کمپنی وائز سیلز بریک ڈاؤن
ٹویوٹا پاکستان کی فروخت میں مجموعی طور پر 304 فیصد اضافہ ہوا، گزشتہ ماہ 3570 یونٹس فروخت ہوئے جو کہ دسمبر 23 میں 684 یونٹس تک محدود تھی۔
ہنڈا اٹلس کی فروخت پر روشنی ڈالیں تو کمپنی کی سیلز میں 49 فیصد اضافہ دیکھا گیا، کمپنی نے اگست 23 میں 901 یونٹس کے مقابلے گزشتہ ماہ 1339 یونٹس فروخت کیے۔
اپنے جاپانی حریفوں کے مقابلے پاک سوزوکی موٹرز کمپنی کی فروخت میں 22 فیصد اضافہ ہوا، جولائی میں 3735 کاروں کے مقابلے میں 4550 گاڑیاں فروخت ہوئیں۔
دریں اثنا، ہیونڈائی نشاط کی فروخت میں 100 فیصد اضافہ ہوا، یعنی اگست میں 607 یونٹس کے مقابلے میں گزشتہ ماہ 304 یونٹس فروخت ہوئے۔
