آٹو موٹیو انڈسٹری کی بدحالی کے دوران ٹویوٹا جیسی کمپنیاں بھی معاشی گراوٹ اور درآمدی پابندیوں سے محفوظ نہیں ہیں۔ پاما رپورٹ میں جاری کیے گئے اعداد و شمار کے مطابق ٹویوٹا انڈس کی مقبول سیڈان، کرولا اور یارِس کی فروخت میں 6 فیصف کمی دیکھنے کو ملی ہے کیونکہ کمپنی اقتصادی غیر یقینی صورتحال اور درآمدی پابندیوں کی وجہ سے محدود انوینٹری سے پیدا ہونے والے چیلنجز سے نمٹ رہی ہے۔
سیلز میں کمی
گزشتہ ماہ ستمبر 2023 میں ٹویوٹا کی مشہور سیڈانز کرولا اور یارس کی فروخت میں نمایاں کمی دیکھنے میں آئی، ٹویوٹا انڈس نے اپنی مقبول سیڈان کرولا اور یارِس کی فروخت میں 6 فیصد کمی دیکھی کیونکہ کمپنی مختلف چیلنجز سے نبردآزما ہے۔
گزشتہ ماہ ٹویوٹا نے پاکستان کی مشہور سیڈانز کرولا اور یارِس کے 1050 یونٹس فروخت کیے جبکہ اگست میں یہ تعداد 1119 یوںٹس تھی۔
پاکستان آٹو موٹیو مینوفیکچررز ایسوسی ایشن (PAMA) کی رپورٹ کے مطابق ستمبر 2023 میں کاروں کی فروخت میں 10 فیصد اضافہ ہوا، اگست میں 7,579 یونٹس کے مقابلے 8,312 گاڑیاں فروخت ہوئیں۔ تاہم، سال بہ سال سیلز کی بات کریں تو 26 فیصد کی قابل ذکر کمی واقع ہوئی ہے۔ کار سازوں نے گزشتہ سال اسی مدت کے دوران 11,288 کاریں فروخت کیں۔
کمپنی وائز سیلز بریک ڈاؤن
ٹویوٹا پاکستان کی فروخت میں 3 فیصد کا اضافہ ہوا، ستمبر 23 میں اگست میں 1548 گاڑیوں کے مقابلے میں 1595 یونٹس فروخت ہوئے۔
ہنڈا اٹلس کی فروخت میں نمایاں اضافہ دیکھا گیا ہے۔ کار کمپنی کی سیلز میں 99 فیصد اضافہ ہوا ہے۔ کمپنی نے اگست 23 میں 674 یونٹس کے مقابلے گزشتہ ماہ 1342 یونٹس فروخت کیے۔
پاک سوزوکی موٹرز کمپنی کی فروخت میں 1 فیصد کمی واقع ہوئی، جولائی میں 4268 کاروں کے مقابلے 4234 گاڑیاں فروخت ہوئیں۔
ہیونڈائی نشاط کی فروخت میں 5 فیصد اضافہ ہوا۔ اگست میں 778 یونٹس کے مقابلے میں گزشتہ ماہ 820 یونٹس فروخت ہوئے ۔
