نیشنل ہائی وے اور موٹروے پولیس (این ایچ ایم پی) نے ایک ٹریفک الرٹ جاری کرتے ہوئے اعلان کیا ہے کہ بڑی موٹرویز کو بند کر دیا گیا ہے۔ پولیس کی جانب سے جاری کردہ سرکاری اطلاع کے مطابق:
“عوام الناس کو مطلع کیا جاتا ہے کہ روڈ کی مرمت کی وجہ سے درج ذیل موٹرویز 22 نومبر 2024، رات 8 بجے سے بند رہیں گی۔”
بند کی گئی موٹرویز
اطلاع کے مطابق یہ موٹرویز بند رہیں گی:
- ایم-1 (پشاور سے اسلام آباد)
- ایم-2 (لاہور سے اسلام آباد)
- ایم-3 (لاہور سے عبدالحکیم)
- ایم-4 (پنڈی بھٹیاں سے ملتان)
- ایم-11 (سیالکوٹ سے لاہور)
- ایم-14 (حکلا سے یارک)
عوام کے لیے ہدایت
پولیس نے عوام سے درخواست کی ہے کہ کسی بھی زحمت سے بچنے کے لیے غیر ضروری سفر سے گریز کریں۔ مزید معلومات اور تازہ ترین اپ ڈیٹس کے لیے نیشنل ہائی ویز اور موٹروے پولیس کی ہیلپ لائن 130 پر رابطہ کریں۔
اگر آپ نے اسلام آباد جانے کا کوئی ارادہ بنایا ہے تو براہِ کرم اپنے منصوبے منسوخ کریں اور اپنے گھروں میں رہیں۔
