گاڑیوں کے کمپیریزن یعنی تقابل کرنے کے سلسلے میں آج ہم یونائیٹڈ الفا کا تقابل سوزوکی کلٹس کے
ساتھ کر رہے ہیں۔ یونائیٹڈ الفا 1000cc کی کیٹیگری میں جدید ترین اضافہ ہے، جبکہ کلٹس نسبتاً
پرانی گاڑی ہے۔ سوزوکی کی ہیچ بیک اس سیگمنٹ میں کئی سالوں سے غالب ہے، جبکہ الفا جیسے
نئے اضافوں کے ساتھ ہمیں امید ہے کہ مقابلے کی فضاء بڑھے گی اور صارفین کے لیے گاڑیوں کے
انتخاب میں نئے امکانات پیدا ہوں گے۔
تو یہ رہا ان دونوں گاڑیوں کے نمایاں فیچرز اور تفصیلات کا چھوٹا سے تقابل:
انجن اور ٹرانسمیشن:
یونائیٹڈ الفا 993cc انجن رکھتی ہے، جو 68hp اور 93Nm پیدا کرتا ہے۔ اس کے مقابلے میں کلٹس
998cc انجن کے ساتھ آتی ہے، جو 67hp اور 90Nm ٹارک پیدا کرتا ہے۔ یعنی الفا چھوٹا انجن
ہونے کے باوجود کلٹس سے زیادہ ہارس پاور اور ٹارک پیدا کرتی ہے۔
جبکہ دونوں گاڑیاں 5-اسپیڈ مینوئل ٹرانسمیشن رکھتی ہے۔
سیفٹی فیچرز:
کلٹس کو ایک محفوظ گاڑی بنانے کے لیے سوزوکی نے اس میں ڈوئل ایئر بیگز لگائے ہیں، جبکہ
یونائیٹڈ اس فیچر کو خاطر میں نہیں لایا؛ اس لیے الفا میں ایئر بیگز نہیں ہیں۔ اس کے علاوہ الفا ABS
کے بغیر آتی ہے جبکہ کلٹس میں یہ فیچر موجود ہے۔ اس لیے تقابل ظاہر کرتا ہے کہ کلٹس یونائیٹڈ
الفا کے مقابلے میں کہیں زیادہ محفوظ گاڑی ہے۔
الائے ویلز اور فوگ لیمپس:
یونائیٹڈ اور سوزوکی دونوں نے اپنی ہیچ بیکس میں الائے ویلز اور فوگ لیمپس لگائے ہیں۔ اس کا
مطلب ہے کہ دونوں گاڑیاں مضبوط اور قابلِ بھروسہ ہونے کے ساتھ ساتھ دھند میں چلانے میں بھی
آسان ہیں۔
پاور اسٹیئرنگ اور پاور ونڈوز:
اگر ہم پاور اسٹیئرنگ کے بارے میں بات کریں تو یہ فیچر الفا اور کلٹس دونوں میں موجود ہے۔ البتہ
سوزوکی نے اپنی ہیچ بیک میں پاور ونڈوز نہیں دیں، جبکہ الفا کی تمام کھڑکیاں پاورڈ ہیں، جو اسے
واضح برتری دلاتی ہیں۔
ریئر وائپر اور ریئر کیمرا:
یونائیٹڈ الفا نے ان دونوں فیچرز میں بھی برتری حاصل کی ہے، کیونکہ کمپنی نے اپنی گاڑی میں
ریئر وائپر اور ریئر کیمرا بھی لگایا ہے۔ کلٹس یہ سہولیات پیش نہیں کرتی، جو صارفین کے لیے
کافی پریشان کُن بات ہے۔
ملٹی میڈیا اسکرین:
دونوں ہیچ بیکس کا انٹیریئر جدید قسم کا ہے، کیونکہ دونوں گاڑیاں ملٹی میڈیا اسکرینز کے ساتھ آتی
ہیں۔ ان اسکرینز کے ذریعے آپ اپنی گاڑی میں آڈیو، ریڈیو اور بلوٹوتھ کنیکٹیوٹی کنٹرول کر سکتے
ہیں۔
قیمت:
اوپر کیا گیا تقابل ظاہر کرتا ہے کہ الفا میں کلٹس کے مقابلے میں زیادہ فیچرز ہیں؛ لیکن اس کے
باوجود یونائیٹڈ کی گاڑی اپنی مقابل گاڑی سے سستی ہے۔ الفا کی قیمت 13,95,000 روپے ہے
جبکہ کلٹس کی موجودہ قیمت 19,70,000 روپے ہے۔
